Lukas 18:14 - Chuukese Bible

¹⁴ Jesus a apasa, “Üpwe ürenikemi, ei chon ioni takises a küna pwüng fän mesen Kot lupwen a liwinla lon imwan, nge sap ewe Farisi. Pun iö a püsin atekiatä epwe küna tekison, nge iö a püsin atekisonatiu epwe küna tekia.”

Lukas 18:14 Iomraidhean Croise

Hiop 22:29

Pun Kot a atekisona ekewe chon lamalamtekia, Nge a amanaua chokewe mi tekison.

Hiop 25:4

Ifa usun än eman aramas epwe tongeni küna pwüng fän mesen Kot? Ifa usun, eman mi uputiu seni eman fefin a tongeni limöch?

Hiop 9:20

Inamwo ika üa pwüng, püsin kapasen awei epwe apwüngüei. Inamwo ika esap wor ai tipis, i epwe pwärala pwe üa tipis.

Kölfel 138:6

Inamwo ika ka fokun tekia, ka afäli ekewe chon tekison. Nge ka silleni ekewe chon lamalamtekia me toau.

Kölfel 143:2

Kosap atolongaei lon om kapwüng, ngang noum chon angang, pun esap wor eman aramas mi manau a pwüng fän mesom.

Ekistos 18:11

Iei üa silei pwe ewe Samol mi Lapalap a tekia seni ekewe kot meinisin, pun a angasa ekewe aramasen Israel seni lepöün chon Isip, lupwen ra turunufaseer.”

Än Salomon Fos 15:33

Ach niuokusiti ewe Samol mi Lapalap iei alen ach kaiö tipachem, nge ach sipwe atipetekisonakich, a iei akomwen ach angei iteüöch.

Än Salomon Fos 18:12

Eman aramas a lamalamtekia mwen feiengau epwe tori, nge tipetekison a akom mwen iteüöch.

Än Salomon Fos 25:7

Pun a mürina än eman epwe ürenuk, “Kopwe mot pekitä,” lap seni än eman epwe amotok fan me fän mesen eman aramas tekia.

Än Salomon Fos 29:23

Eman aramas mi lamalamtekia epwe küna tekison, nge eman aramas mi tekison epwe küna iteüöch.

Än Salomon Fos 3:34

A turunufasei ekewe chon turunufas, nge a ümöümöch ngeni ekewe chon tipetekison.

Än Salomon Afalafal 9:7

Iwe, kopwe chök mongö anom mongö, kopwe pwal ünümi unumom wain fän pwapwa, pun iei mine Kot a tipeeu ngeni.

Aisea 45:25

Nge ren ewe Samol mi Lapalap ekewe mwirimwirin Israel meinisin repwe küna pwüng, repwe pwal mwänek.”

Aisea 53:11

Iwe, wesin an riaföü lon manauan epwe eäni ewe saramen manau o pwapwa ren. Nge ren an silei Kot nei chon angang mi pwüng epwe afisätä än chomong aramas pwüng, epwe pwal uwei ar tipis.

Aisea 57:15

Pun iei alon Ewe mi Unusen Tekia, ewe mi manau tori feilfeilachök, itan Ewe mi Pin, “Ngang üa imweimw lon eu leni mi pin o tekia, pwal ren eman mi luketatakis o tipetekison, pwe üpwe amanaua ngüngün chon tipetekison o apöchöküla leluken chon liamam.

Aisea 66:2

Pun pei a föri ekei mettoch meinisin, iei mine ir meinisin nemeniei.” Pwal iei alon ewe Samol mi Lapalap, “Ngang üpwe chök aücheani eman aramas mi tipetekison o luketatakis, pwal eman mi niuokusiti ai kapas o aleasochis ngeni.

Taniel 4:37

Iei mine ngang Nepukatnesar üpwe mwareiti o asamolu ewe Kingen Läng, üpwe pwal alinga i. An föför ra let o pwüng, nge a atekisona chokewe mi eäni lamalamtekia.”

Apakuk 2:4

Nengeni, ätewe a lamalamtekia, esap wenechar lelukan. Nge ekewe chon pwüng repwe manau ren ar lükü Kot.

Mateus 23:12

Pun iö a püsin atekiatä epwe tekisonotiu, nge iö a püsin atekisonatiu epwe tekiatä.

Mateus 5:3

“Ra feiöch chon silei pwe ra wöüngau lon pekin ngünür, pun ir repwe mwüni Mwün Läng.

Lukas 1:52

A asapwilatiu ekewe king mi wor maner seni ar lenien motun king o atekiatai ekewe chon tekison.

Lukas 10:29

Nge ewe Sensen Allük a mochen pwärala pwe i mi pwüng, iei mine a üreni Jesus, “Iö chon ori?”

Lukas 14:11

Pun eman aramas mi püsin atekiatä, epwe tekisonotiu, nge eman mi püsin atekisonatiu, epwe tekiatä.”

Lukas 16:15

Nge Jesus a üreniir, “Ämi oua alapalapöchükemi fän mesen aramas, nge Kot a silei lelukemi. Pun ekewe mettoch aramas ra ekieki pwe ra kon aüchea ra anioput me ren Kot.

Nöün Paulus Toropwe ngeni ekewe Souläng lon Rom 3:20

Pun esap wor eman aramas epwe küna pwüng ren an apwönüetä pwüngün ekewe Allük. Nge mine ekewe Allük ra föri, ra aiti ngeni aramas pwe ra tipis.

Nöün Paulus Toropwe ngeni ekewe Souläng lon Rom 4:5

Nge eman aramas mi longolong won an lükülük, nge esap wor an föför, i a lükü Kot ewe mi tongeni pwärätä pwe eman chon tipis a pwüng. Kot a föri iei usun ngeni, pwe a küna pwüng me ren pokiten an lükülük.

Nöün Paulus Toropwe ngeni ekewe Souläng lon Rom 5:1

Iwe, pokiten sia küna pwüng me ren Kot ren ach lükülük, sia kinamwefengen me Kot ren ach Samol Jesus Kraist.

Nöün Paulus Toropwe ngeni ekewe Souläng lon Rom 8:33

Iö epwe atipisi afilien Kot kewe? Püsin Kot a pwärätä pwe resap tipis!

Kalatia 2:16

Nge sia silei pwe eman aramas a küna pwüng me ren Kot ren an lükü Jesus Kraist chök, nge esap ren an apwönüetä ekewe Allük. Iei usun pwal kich sia lükü Jesus Kraist, pwe sipwe küna pwüng me ren Kot ren ach lükü Kraist, nge sap ren ach apwönüetä ekewe Allük. Pun esap fokun wor eman a küna pwüng me ren Kot ren an apwönüetä ekewe Allük.

James 4:10

Oupwe püsin atekisonakemi mwen mesen ach Samol, iwe, i epwe atekiakemiitä.

James 4:6

Nge Kot a awattei ngenikich an ümöümöch. Iei mine a mak lon ekewe Toropwe mi Pin, “Kot a ü ngeni ekewe chon lamalamtekia, nge a ümöümöch ngeni ekewe chon tipetekison.”

1. Samuel 1:18

Iwe, Hana a üra, “Amwo ngang noum chon angang fefin üpwe küna ümöümöch me reöm.” Mürin a feila o mongö, nge won mesan esap chüen wololilen.