Lukas 18:13 - Chuukese Bible

¹³ Nge ewe chon ioni takises a ütä me toau, esap fen mwo nge netä läng, nge a pisiri fän mwärin o apasa, ‘Ai Kot, kopwe ümöümöch ngeniei, ngang eman chon tipis.’”

Lukas 18:13 Iomraidhean Croise

2. Samuel 12:13

Iwe, Tafit a üreni Natan, “Üa tipis ngeni ewe Samol mi Lapalap.” Nge Natan a üreni Tafit, “Ewe Samol mi Lapalap a amusala om tipis. Kosap mäla.

2. Kronika 33:19

Än Manasa iotek, pwal usun än Kot etiwa an tüngor, an kewe tipis meinisin me an kirikiringau, pworausen ekewe leni tekia ia a aüetä ie ekewe lenien fel, pwal usun an aüetä uluulun ewe anüfefin Asera me ekewe uluulun anümwäl mwen an ekieksefäl, meinisin a makelong lon puken uruwon ekewe soufos.

2. Kronika 33:23

Nge esap atekisonätiu o kul ngeni ewe Samol mi Lapalap, usun Manasa saman we a föri. Nge ei mwän Amon a chök alapala an tipis.

Esra 9:6

Iwe, üa apasa, “Ai Kot, üa fokun säw ai üpwe anetai mesei ngonuk. Pun äm kewe föföringau ra tekia seni mökürem, nge äm kewe tipis ra chukuchukutä tori läng.

Hiop 42:6

Iei mine üa püsin atipisiei o ekieksefäl lon pwül me falang.”

Kölfel 106:6

Äm aia tipis usun chök äm kewe lewo. Äm aia föri föför mi ngau o apwönüetä föför esepwüng.

Kölfel 119:41

Ai Samol mi Lapalap, kopwe pwäri ngeniei om tong ellet, kopwe amanauaei usun ka fen pwon.

Kölfel 130:7

Ämi chon Israel, oupwe apilükülükü ewe Samol mi Lapalap. Pun tong ellet a nom ren ewe Samol mi Lapalap, a pwal watte an angangen amanaua aramas.

Kölfel 25:11

Ai Samol mi Lapalap, kopwe amusala ai tipis usun ka pwon, pun ai tipis a kon chomong.

Kölfel 25:7

Kopwe amusala ai kewe tipis me ai kewe pupungau üa föri lesäräföi. Ai Samol mi Lapalap, kopwe chechemeniei lon om tong me om kirikiröch.

Kölfel 40:12

Chomong osukosuk ra pwelifeiliei, esap wor eman a tongeni aleaniir. Ai kewe tipis ra rongeeila pwe üsap chüen künaei, ra kon chomong lap seni meten mökürei, nge lelukei a kisikisila.

Kölfel 41:4

Nge ngang üa apasa, “Ai Samol mi Lapalap, kopwe ümöümöch ngeniei o apöchökülaei, pun üa tipis ngonuk.”

Ekistos 33:10

Nge lupwen ekewe aramas meinisin ra küna pwe ewe ürekuchu a ü leasamalapen ewe imw mangaku, ir meinisin ra chapetiu lepwül, eman me eman lon en me asamalapen imwan.

Aisea 1:18

Iei alon ewe Samol mi Lapalap, “Ou etto, ousipwe pwüngüpwüngfengen. Oua limengau ren tipis usun eman a limengau ren cha. Nge ngang üpwe limetikemi pwe oupwe limöch usun pwechepwechen sno. Inamwo are oua limengau usun mangaku mi fötöpwül, oupwe fokun limöch.

Aisea 6:5

Iwe, üa apasa, “Feiengauei, üpwe mäla, pun ngang eman mwän mi tipis ren ekewe kapas üa apasa ren tinawei, üa pwal imweimw lein aramas mi tipis ren ar kewe kapas ra apasa ren tinawer. Nge mesei a küna ewe King, ewe Samol mi Unusen Manaman.”

Aisea 66:2

Pun pei a föri ekei mettoch meinisin, iei mine ir meinisin nemeniei.” Pwal iei alon ewe Samol mi Lapalap, “Ngang üpwe chök aücheani eman aramas mi tipetekison o luketatakis, pwal eman mi niuokusiti ai kapas o aleasochis ngeni.

Isikiel 16:63

Iwe, lupwen üpwe amusala om kewe föför mi ngau meinisin, en kopwe chechemeniir o säw rer, pwe kosap chüen apasa och,” iei alon Kot ewe Samol mi Lapalap.

Taniel 9:5

Äm aia tipis, äm aia föri mine a mwäl o ngau fän mesom, äm aia pwal ü ngonuk o lükümmach ngeni om kewe allük.

Mateus 10:3

Filip, Partolomeus, Tomas me Mateus ewe chon ioni takises, James nöün Alfäus me Tatäus,

Mateus 6:5

“Iwe, lupwen oupwe iotek, ousap föri usun ekewe chon likatuputup. Ra efich ar repwe ütä o iotek lon ar kewe imwen felikis pwal lepwokukun ekewe al, pwe aramas repwe küneer. Enlet, üpwe ürenikemi, pwe ra fen wes le angei liwiniir.

Mateus 9:13

Oupwe feila o kütta wewen ei kapas lon ewe Toropwe mi Pin, ‘Üa mochen pwe aramas repwe eäni tong enlet, nge sap ar repwe asor man ngeniei.’ Ngang üsap feito pwe üpwe kökköri ekewe chon pwüng, pwe fen ekewe chon tipis.”

Markus 11:25

Iwe, lupwen oua ütä le iotek, nge oua chou ngeni eman, oupwe amusala an tipis, pwe Sememi lon läng epwe pwal amusala ämi tipis.

Lukas 17:12

Nge lupwen Jesus a tori eu sopw, a churi engol mwän mi üriir rupun pwötür. Ra ütä me toau

Lukas 22:41

Mürin a feila seniir ina epwe ükükün toauen än eman monei eföü fau. Iwe, a fotopwäsuketiu o iotek.

Lukas 23:48

Lupwen ewe mwichen aramas mi chufengen ikenan pwe repwe katol mwökütükütün met a fis ra küna ei, ra pisiri fän mwäriir lon ar letipeta o liwiniti lenier.

Lukas 5:8

Lupwen Simon Petrus a küna mine a fis, a fotopwäsuketiu mwen Jesus o üreni, “Kopwe feila seniei ai Samol, pun ngang eman chon tipis.”

Föför 2:37

Lupwen ekewe aramas ra rongorong ekei kapas, a el letiper o ra aisini Petrus me ekewe ekoch soukünö, “Ämi pwiich kana, met äm aipwe föri.”

Nöün Paulus Toropwe ngeni ekewe Souläng lon Rom 5:8

Nge Kot a pwäri ngenikich ükükün an echenikich, pwe lupwen sia chüen nonom lon tipis, Kraist a mäla fänäsengesich.

2. Korint 7:11

Oupwe nenengeni met Kot a föri ren ämi letipeta: A afisätä ämi achocho pwal ämi mochen alletätä pwe esap wor ämi tipis. A afisätä ämi song, ämi niuokus, ämi pwos, ämi tiliken me ämi mochen apwüngü mine a ngau. Ren ekei mettoch meinisin oua pwärätä pwe esap wor och mwäl remi.

1. Timoty 1:15

A allükülük ewe kapas pwe aramas repwe fokun etiwa o lükü: Kraist Jesus a feito lon ei fanüfan pwe epwe amanaua chon tipis. Ngang eman chon tipis mi ngau seniir meinisin.

Ipru 4:16

Iei mine sipwe arap ngeni än Kot we lenien mot fän apilüköch, ia sia küna ümöümöch me ie. Ikenan sipwe angei tong o küna ümöümöch, pwe epwe alisikich lon fansoun ach osupwang.

Ipru 8:12

Pun üpwe amusala ar tipis, nge üsap chüen chechemeni ar kewe föför mi ngau.”