Lukas 18:12 - Chuukese Bible

¹² Ngang üa echikefel fän ruu lon eu wiik, üa pwal fangala leengolun meinisin mine üa eäni.’

Lukas 18:12 Iomraidhean Croise

2. King 10:16

Iwe, Jehu a üreni, “Kopwe etiei pwe kopwe küna ai tiliken fän iten ewe Samol mi Lapalap.” Iwe, a eti Jehu le sai won waan woken.

Aisea 1:15

Lupwen ämi oua aitietä pöümi le iotek, üsap nenengenikemi. Nge lupwen oua fen kapaspat lon ämi iotek, üsap fokun aüseling, pun oua lepöücha ren ämi niela aramas.

Malakai 3:8

Ifa usun, aramas repwe tongeni soläni och seni Kot? Nge ämi oua soläni och seniei. Nge oua ais, ‘Met aia soläni senuk?’ Ämi oua soläni och seni mine oua uwato pwe ämi leengol me ämi asor.

Numperis 18:24

Pun än ekewe aramasen Israel leengol ra eäni asor ngeniei üa ngeni chon ewe ainangen Lefi pwe wiser. Iei popun üa üreniir pwe esap wor wiser fanü me lein ekewe aramasen Israel.”

Numperis 23:4

Iwe, Kot a churi Palam, nge Palam a üreni, “Üa amolätä fisu rongen asor o eäni asor eman ätemwänin kow me eman ätemwänin sip won eu me eu.”

Mateus 5:20

Pun üpwe ürenikemi, pwe ämi oupwe chök tongeni tolong lon Mwün Läng are ämi oua föri mine a pwüng me mwen mesen Kot lap seni ekewe Sensen Allük me ekewe Farisi.

Mateus 6:1

“Oupwe tümwünüfichi, pwe ousap föri ämi föförün pwüng mwen mesen aramas pwe repwe küna mine oua föri. Pun are oupwe föri iei usun, ousap angei och liwin seni Sememi mi nom läng.

Mateus 6:16

“Iwe, lupwen oupwe echikefel, ousap wowongau usun ekewe chon likatuputup ra föri. Ra awowongaueer, pwe aramas meinisin repwe küna pwe ra echikefel. Enlet, üpwe ürenikemi, pwe ra fen wes le angei liwiniir.

Mateus 6:5

“Iwe, lupwen oupwe iotek, ousap föri usun ekewe chon likatuputup. Ra efich ar repwe ütä o iotek lon ar kewe imwen felikis pwal lepwokukun ekewe al, pwe aramas repwe küneer. Enlet, üpwe ürenikemi, pwe ra fen wes le angei liwiniir.

Mateus 9:14

Mürin nöün Johannes Soupapatais kewe chon kaiö ra feito ren Jesus o aisini, “Pwota äm chök me ekewe Farisi aia echikefel fän chomong, nge noumw kewe chon kaiö resap fokun echikefel?”

Lukas 11:42

“Feiengauemi, ämi Farisi! Oua ngeni Kot leengolun ämi nofitin mongö usun chök mint me warung me sokopaten chön irä, nge oua tümwününgau ngeni pwüngüöch me ämi echeni Kot. Oupwe föri ekewe, nge oupwe pwal tümwünüöchü ekei.

Lukas 17:10

Ina usun pwal ämi. Lupwen oua wes le föri wisemi meinisin, oupwe apasa, ‘Äm aia chon angang mi lomotongau, aia chök föri mine wisem.’”

Nöün Paulus Toropwe ngeni ekewe Souläng lon Rom 3:27

Iwe, met sia tongeni aingaing won? Esor! Met popun pwe a iei usun? Pokiten sia aleasochisi ekewe Allük? Apwi, nge sia lükü.

1. Korint 1:29

Iei popun esap wor eman aramas epwe tongeni aingaing mwen mesen Kot.

Kalatia 1:14

Üa fokun fefeitä lon ai angang ngeni ewe lamalamen chon Juta lap seni chomong piloi kana me lein aramasei, üa pwal fokun tiliken le apwönüetä örünien ach kewe lewo.

Efisos 2:9

esap pwal liwinin ämi angang, pwe esap wor eman epwe tongeni aingaing ren.

1. Timoty 4:8

Pun ach achocho le asipa inisich a atoto ekis chök feiöch, nge ach achocho le asipakich lon ach souläng a atoto rech feiöch meinisin, pun a pwon ngenikich manau lon ei fansoun ikenai pwal lon ekewe fansoun repwe feito.

1. Samuel 15:13

Iwe, Samuel a feila ren Saul, nge Saul a üreni, “Kopwe feiöch me ren ewe Samol mi Lapalap. Üa aleasochis ngeni än ewe Samol mi Lapalap allük.”