Lukas 18:11 - Chuukese Bible

¹¹ Iwe, ewe Farisi a ütä, a iotek lon lelukan o üra, ‘Ai Kot, üa kilisou ngonuk, pwe üsap usun ekewe ekoch aramas, ir chon solä, chon pwüngingau, chon lisowu, ika fen pwal usun ei chon ioni takises.

Lukas 18:11 Iomraidhean Croise

Kölfel 134:1

Oupwe feito, oupwe mwareiti ewe Samol mi Lapalap, ämi nöün chon angang meinisin, ämi mi angang ngeni lon imwan lepwin.

Kölfel 135:2

ämi mi angang lon imwen ewe Samol mi Lapalap, ämi mi nom lon ekewe leni ünükün imwen ach we Kot.

Än Salomon Fos 20:6

Chomong aramas ra apasa usun püsin ir pwe ra eäni kirikiröch. Nge iö a tongeni küna eman mi wesewesen allükülük?

Än Salomon Fos 30:12

Mi wor aramas ra ekieki pwe ra püsin limöch, nge ra fokun limengau.

Aisea 1:15

Lupwen ämi oua aitietä pöümi le iotek, üsap nenengenikemi. Nge lupwen oua fen kapaspat lon ämi iotek, üsap fokun aüseling, pun oua lepöücha ren ämi niela aramas.

Aisea 58:2

Ewer, ra küttaei iteiten rän o mochen silei letipei. Nge ra usun chök eu täppin aramas mi pwomweni pwomwen chon pwüng resap pöütala än ar we Kot allük. Iwe, ra tüngor ngeniei pwe üpwe eäni pwüng lon ai apwüng, ra pwal tüngormau ngeniei pwe üpwe kanoto rer.”

Aisea 65:5

Iwe, ra apasa ngeni chon aruur, ‘Ousap kanoto rem o atapakem, pun aia kon pin senikemi.’ Ekei aramas ra usun chök eu ekkei mi ötüpwaro, a ötütä lon pwöti iteiten rän.

Jeremaia 2:28

Nge ikafa ir ämi kewe kot oua püsin föri fän itemi? Ir repwe feito o manauakemi lon fansoun ämi osukosuk are ra tongeni. Pun ükükün chomongun ämi kewe telinimw, iei ükükün chomongun ämi kewe kot, ämi chon Juta.”

Jeremaia 2:35

nge ka apasa, ‘Esap wor ai tipis. Ellet ewe Samol mi Lapalap ese chüen song ngeniei.’ Nge ngang üpwe apwünguk pokiten om apasa pwe esap wor om tipis.

Isikiel 33:31

Iwe, nei aramas repwe mwicheto reöm o mot me mwom pwe repwe aüselinga om kapas, nge resap aleasochis ngeni. Pun awer a pwärätä ar echeniei, nge letiper a chök mocheniaiti moni fän pwüngingau.

Mika 3:11

Ekewe souemwenin Jerusalem ra angei lifangen amichimich, lupwen ra eäni kapwüng, ekewe souasor ra awewei än Kot kewe allük fän iten ar repwe angei liwin, nge ekewe soufos ra föri pwee fän iten ar repwe angei moni. Nge ra pwal anomu ar apilükülük won ewe Samol mi Lapalap o üra, “Ewe Samol mi Lapalap a nom lefilach. Esor feiengau epwe torikich.”

Mateus 10:3

Filip, Partolomeus, Tomas me Mateus ewe chon ioni takises, James nöün Alfäus me Tatäus,

Mateus 5:20

Pun üpwe ürenikemi, pwe ämi oupwe chök tongeni tolong lon Mwün Läng are ämi oua föri mine a pwüng me mwen mesen Kot lap seni ekewe Sensen Allük me ekewe Farisi.

Mateus 6:5

“Iwe, lupwen oupwe iotek, ousap föri usun ekewe chon likatuputup. Ra efich ar repwe ütä o iotek lon ar kewe imwen felikis pwal lepwokukun ekewe al, pwe aramas repwe küneer. Enlet, üpwe ürenikemi, pwe ra fen wes le angei liwiniir.

Markus 11:25

Iwe, lupwen oua ütä le iotek, nge oua chou ngeni eman, oupwe amusala an tipis, pwe Sememi lon läng epwe pwal amusala ämi tipis.

Lukas 20:47

Ra angemwäli imwen ekewe fefin mi mä pwülüer, mürin ra einga ngeni aramas ar iotek mi langatam. Ätekewe repwe küna apwüng mi fokun chou.”

Lukas 22:41

Mürin a feila seniir ina epwe ükükün toauen än eman monei eföü fau. Iwe, a fotopwäsuketiu o iotek.

Kalatia 3:10

Iwe, chokewe meinisin mi anomu ar apilükülük won ar aleasochisi ekewe Allük ra anümamau. Pun a mak lon ekewe Toropwe mi Pin, “Iö esap aleasochisi meinisin mine a mak lon ewe puken Allük epwe anümamau!”

Filipi 3:6

üa pwal fokun tiliken lon ai ariaföüü ekewe chon lükü Jesus. Are eman aramas a ekieki pwe a tongeni küna pwüng ren an aleasochisi ekewe Allük, ngang üa apwönüretä meinisin.

Pwärätä 3:17

Pun ka apasa, ‘Ngang üa pisekisek o wöü, esap wor ai osupwang.’ Nge en kosap silei pwe ka mwelele o attong, ka wöüngau me chun o selela.