Lukas 17:30 - Chuukese Bible

³⁰ Epwe chök pwal ina usun lon ewe rän Nöün Aramas epwe wareto lon.

Lukas 17:30 Iomraidhean Croise

Mateus 16:27

Pun Nöün Aramas epwe war lon lingen Saman fiti nöün kewe chon läng. Mürin epwe liwini ngeni iteiten eman me eman aramas usun ar föför.

Mateus 24:3

Iwe, lupwen Jesus a mot won ewe Chukun Olif, ekewe chon kaiö ra feito ren, nge ir chök. Ra tüngor ngeni, “Kose mochen ürenikem inet epwe fis ekei mettoch meinisin? Kopwe pwäri ngenikem asisilen fansoun om wareto me ewe fansoun sopolan.”

Mateus 24:37

Ewe fansoun waren Nöün Aramas epwe usun chök met a fis lon fansoun Noa.

Mateus 24:39

Resap silei mine epwe fis tori ewe noter a war o niirela meinisin. Ina usun mine epwe fis lupwen Nöün Aramas epwe war.

Mateus 26:64

Jesus a pölüeni, “Ewer, usun om apasa. Nge üpwe ürenikemi meinisin: Seni ei fansoun oupwe küna Nöün Aramas a mot lepelifichin Ewe mi unusen Manaman, epwe war won kuchun läng.”

Markus 13:26

Lon ena fansoun aramas repwe küna Nöün Aramas epwe feito won kuchu ren manaman me ling mi lapalap.

Lukas 17:24

Pun usun fifi a fila seni läng o asarama fanüfan seni epek tori epek, iei usun Nöün Aramas lon ränin.

Lukas 17:29

Nge lon ewe rän lupwen Lot a towu seni Sotom, ekkei me primston a püngütiu seni läng o niirela meinisin.

Lukas 21:22

Pun iei ekewe ränin apwüng, nge epwe popuetä meinisin mine a mak lon ekewe Toropwe mi Pin.

Lukas 21:27

Lon ena fansoun repwe küna Nöün Aramas, epwe feito won kuchu fän manaman me ling mi lapalap.

1. Korint 1:7

iei mine ousap osupwang ren och ekewe feiöchün Ngün lupwen oua witiwiti ach Samol Jesus Kraist an epwe pwä.

1. Korint 1:8

I epwe pwal anükücharakemi tori lesopolan, pwe esap wor eman epwe tip ngenikemi och mi mwäl lon ewe Ränin ach Samol Jesus Kraist.

Kolose 3:4

Kraist i wesewesen ämi manau, nge lupwen i epwe pwä, mürin pwal ämi oupwe pwä fiti i lon lingan.

2. Tesalonika 1:7

epwe pwal angasakemi ämi mi riaföü, epwe pwal angasakem. Ei epwe fis lupwen ach Samol epwe feito seni läng fiti nöün kewe chon läng mi pöchökül,

1. Petrus 1:13

Iei mine oupwe amolätä ekiekimi ngeni ei angang. Oupwe püsin tümwünükemi o fokun anomu ämi lükülük won ewe feiöch epwe torikemi lupwen Jesus Kraist epwe pwäto.

1. Petrus 1:7

Popun ämi tolong lon sosot, pwe epwe pwä enletin ämi lükülük. Kolt mi tongeni tala, nge a ketel lon ekkei pwe epwe pwä ewe enletin kolt. Iei usun ämi lükülük mi aüchea seni kolt epwe fokun küna sosot, pwe epwe nükücharala. Mürin oupwe küna iteüöch me ling me itetekia lon ewe Rän lupwen Jesus Kraist epwe pwä.

1. Petrus 4:13

Nge oupwe pwapwa pwe oua eti Kraist lon an riaföü, pwe oupwe pwal uren pwapwa lupwen an ling epwe pwä.

1. Johannes 2:28

Ewer, nei kana, oupwe nonom lon Kraist, pun lupwen i epwe pwä, kich sipwe fokun tipepwora, nge sisap opola seni fän säw lon ewe Rän epwe wareto.

1. Johannes 3:2

Ämi chiechiei kana mi achengicheng, ikenai kich nöün Kot, nge esamwo pwä mine sipwe usuni me mürin. Nge sia silei pwe lupwen Kraist epwe wareto sipwe wewe ngeni i, pun sipwe küna i lon wesewesen lapalapan.

Pwärätä 1:7

Nengeni, epwe feito won ekewe kuchu! Aramas meinisin repwe küna i, pwal chokewe mi posu. Iwe, aramas meinisin won fanüfan repwe ngüngüres ren met ra föri ngeni. Epwe iei usun met epwe fis. Amen.