Lukas 17:26 - Chuukese Bible

²⁶ Usun mine a fis lon fansoun Noa, iei usun epwe pwal fis lon ränin Nöün Aramas.

Lukas 17:26 Iomraidhean Croise

Keneses 6:5

Iwe, ewe Samol mi Lapalap a küna pwe än aramas föföringau a fokun wattela won fanüfan, nge ekiekin leluker a chök ngauala fansoun meinisin.

Keneses 6:7

Iei mine a apasa, “Üpwe arosala föriei aramas me won fanüfan, pwal manfetal me mantötö me ekewe mansüsü. Pun üa lamalamala ren ai föriir.”

Keneses 6:8

Nge Noa a küna ümöümöch me ren Kot.

Aisea 22:13

Nge oua chök pwapwa o mweireir, oua niela kow me sip kana pwe oupwe ochoch fituk o ünümi wain. Pun oua apasa, “Ousipwe momongö o ükün, pun lesor sipwe mäla.”

Lukas 17:22

Mürin Jesus a üreni nöün kewe chon kaiö, “Epwe war ewe fansoun, lupwen oupwe fokun mochen küna eu ekewe ränin Nöün Aramas, nge ousap fokun küna.

Lukas 17:24

Pun usun fifi a fila seni läng o asarama fanüfan seni epek tori epek, iei usun Nöün Aramas lon ränin.

Lukas 17:27

Ra momongö o ükün, ra pwüpwülü o akapwüpwülüür tori ewe rän lupwen Noa a tolong lon ewe waimw o ewe noter a war o niirela meinisin.

Lukas 17:7

“Are eman leimi mi wor eman nöün chon angang mi tuw pwül are tümwünü sip, ifa usun, lupwen epwe liwinto seni lemäl, epwe üreni pwe epwe kaito pwe epwe mongö?

Lukas 18:8

Ngang üpwe ürenikemi, epwe müttir le pwärala ar pwüng. Nge lupwen Nöün Aramas epwe war, ifa usun, epwe küna aramas mi lükülük won fanüfan?”

Ipru 11:7

Ren än Noa lükü, a rongorong än Kot kapasen fön usun ekewe mettoch repwe fis lon ekewe fansoun repwe feito, nge esamwo tongeni küna. A aleasochisi Kot o föri efoch waimw ia i me chon an famili ra tongeni manau ie. Ren an lükü a pwä pwe fanüfan a tipis. Nge Noa a angei ewe sokun pwüng me ren Kot pokiten an lükü.

2. Petrus 2:5

Kot esap achika ewe fanüfan me lom, nge a aworato ewe noter won ekewe aramas resap meniniti i. A chök amanaua Noa ewe chon afalafala usun pwüng me pwal füman aramas.

2. Petrus 3:6

Iwe, pwal ren koluk, iei kolukun ewe noter, ewe fanüfan me lomlom a tala ren.