Lukas 17:25 - Chuukese Bible

²⁵ Nge akomwan epwe tolong lon riaföü watte o küna koput me ren ei täppin aramasen ikenai.

Lukas 17:25 Iomraidhean Croise

Aisea 53:3

A küna turunufas me koput me ren aramas kana, eman mwän mi örüni an nom lon cheuch me riaföü. A wewe ngeni eman chon anioput sa aopa mesach seni. A unusen itengau, pwe sa ekieki esap wor aüchean.

Mateus 16:21

Seni lon ena fansoun Jesus a popuetä le pwäri ngeni nöün kewe chon kaiö, pwe i epwe fokun feila Jerusalem, iwe, epwe küna riaföü me ren ekewe souakom, ekewe souasor mi lap me ekewe Sensen Allük. Repwe niela, nge mürin ülüngat rän epwe manausefälitä.

Mateus 21:42

Iwe, Jesus a üreniir, “Ousamwo fen aleani lon ekewe Toropwe mi Pin? ‘Ewe fau ekewe chon kaü imw ra pöütala pun resap aücheani a wiliti ewe föün lepwokuku mi fokun aüchea. Iei än ewe Samol föför a fokun amwarar mwen mesach!’

Markus 10:33

Iwe, a üreniir, “Oupwe rongorong. Sipwele feita Jerusalem. Ikenan Nöün Aramas epwe tolong le pöün ekewe souasor mi lap me ekewe Sensen Allük. Repwe atipisi pwe epwe mäla, nge repwe atolonga lepöün ekewe chon lükün Israel.

Markus 12:10

Oua fen aleani ekei kapas lon ewe Toropwe mi Pin, ‘Ewe fau ekewe chon kaü imw ra pöütala, pun resap aücheani a wiliti ewe föün lepwokuku mi fokun aüchea.

Markus 8:31

Mürin Jesus a afalafala nöün kewe chon kaiö, “Nöün Aramas epwe fokun tolong lon riaföü watte, epwe küna koput me ren ekewe souakom, ren ekewe souasor mi lap me ekewe Sensen Allük. Repwe niela, nge mürin ülüngat rän epwe manausefälitä.”

Markus 9:31

pun a afalafala nöün kewe chon kaiö o a üreniir, “Nöün Aramas epwe tolong le pöün aramas, iwe, repwe niela. Nge mürin ülüngat rän epwe manausefäl.”

Lukas 18:31

Mürin Jesus a aimwüela ekewe engol me ruoman chon kaiö o üreniir, “Oupwe rongorong! Oukich sipwe feitä Jerusalem. Ikenan mettoch meinisin mi makketiu me ren ekewe soufos usun Nöün Aramas epwe pwönüetä.

Lukas 18:33

Repwe pwal wichi o niela, nge mürin ülüngat rän epwe manausefälitä.”

Lukas 24:46

Iwe, a üreniir, “Iei usun a fen mak, pwe Kraist epwe fokun riaföü o manausefäl seni mäla lon aülüngatin rän.

Lukas 9:22

A pwal üreniir, “Nöün Aramas epwe fokun tolong lon riaföü watte, epwe küna koput me ren ekewe souakom, ekewe souasor mi lap me ekewe Sensen Allük. Repwe niela, nge mürin ülüngat rän epwe manausefälitä.”

Johannes 1:11

A tori fanüan, nge aramasan resap etiwa.

Johannes 12:38

Iei usun met a pwönüetä lon mine ewe soufos Aisea a kapas usun, “Äm Samol, iö a lükü ewe pworaus aia aronga? Iö ewe Samol a pwäri an manaman ngeni?”

1. Samuel 10:19

Nge ikenai oua pöütala ämi we Kot mi amanauakemi seni ämi feiengau me riaföü meinisin. Ämi oua apasa, ‘Kopwe seikätä eman nöüm king.’ Iei mine iei oupwe feito fän mesen ewe Samol mi Lapalap lon en me an ainang, pwal lon en me an eterekes.”

1. Samuel 8:7

Nge ewe Samol mi Lapalap a üreni Samuel, “Kopwe aüselinga alon ekewe aramas lon meinisin mine ra ürenuk. Pun resap pöütukela, nge ra pöütieila pwe üsap nöür king.