Lukas 16:9 - Chuukese Bible

⁹ Iwe, Jesus a sopwela le kapas, “Üpwe ürenikemi: Oupwe aea wöün fanüfan an epwe wor chiechiemi, pun lupwen epwe itela, repwe etiwakemi lon ewe leni ia aramas repwe nom ie tori feilfeilachök.

Lukas 16:9 Iomraidhean Croise

Kölfel 73:26

Inisi me lelukei ra tongeni apwangapwangala, nge Kot ai pöchökül pwal wisei tori feilfeilachök.

Än Salomon Fos 14:24

Än ekewe chon tipachem pisekisek iei ar lingöch, nge än ekewe chon tiparoch wewemang iei ar umwes.

Än Salomon Fos 19:17

Eman aramas mi kichiöch ngeni chon wöüngau a fangala ngeni ewe Samol mi Lapalap, nge i epwe liwini ngeni liwinin an föför.

Än Salomon Fos 23:5

Lupwen ka kärän nengeni woumw, ese chüen nom. Pun a müttir sü usun chök a angei pöükässin o ässitä läng usun eman ikel.

Än Salomon Afalafal 11:1

Kopwe fangafangöch ngeni aramas, pun mürin chomong rän kopwe angei liwinin.

Aisea 57:16

Iwe, üsap pälüeniir feilfeilachök, üsap pwal songeitiir fansoun meinisin. Pun are üpwe föri iei usun, ekewe aramas üa föriir repwe mäla, enienin ngasangaser üa awora epwe müchüla.

Taniel 4:27

Iei mine ai king, kose mochen kopwe tipeeu ngeni ai kapas. Kopwe aier seni om tipis o eäni föförün pwüng, kopwe pwal ekieksefäl seni om föföringau o eäni tong ngeni chon riaföü. Ren ei, om nonomöch epwe soposopola.”

Mateus 19:21

Jesus a pölüeni, “Are ka mochen unusen föföröch, kopwe feila o amömöla meinisin mine ka eäni, nge ewe moni kopwe fang ngeni ekewe chon wöüngau pwe epwe wor woumw lon läng. Mürin kopwe feito o tapweto müri.”

Mateus 6:19

“Ousap iseis wöümi fän püsin itemi won fanüfan, ia ekewe pwötür me parang ra atarela, nge chon solä ra atai o soläni.

Mateus 6:24

“Esap wor eman a tongeni angang ngeni ruoman samol. Pun epwe oput eman, nge epwe echeni ewe eman, ika epwe tipeni eman, nge epwe turunufasei ewe eman. Ousap tongeni angangepök ngeni Kot me wöün fanüfan.

Lukas 11:41

Nge oupwe fang ngeni ekewe mi wöüngau mine a nom lon ämi kewe kap me sepi, mürin mettoch meinisin repwe limöch me remi.

Lukas 12:33

Oupwe amömöla pisekimi, nge liwinin oupwe ngeni ekewe chon wöüngau. Oupwe awora ämi kewe sokun pwotou resap tongeni tala, oupwe iseis wöümi lon läng, ewe ia esap tongeni kisikisila me ie, pun chon solä resap tongeni angeer, nge pwötür resap tongeni atarela.

Lukas 14:14

Iwe, ren ei kopwe feiöch, pun resap tongeni aliwini ngonuk mine ka föri ngeniir. Kot epwe liwini ngonuk lon ewe ränin manausefälin ekewe chon pwüng.”

Lukas 16:11

Iei mine are ousap allükülük lon ämi angang ngeni wöün fanüfan, ifa usun än eman epwe lükü ngenikemi ewe wöü mi wesewesen aüchea?

Lukas 16:13

“Esap wor eman chon angang a tongeni angang ngeni ruoman samol. Pun epwe oput eman, nge epwe echeni pwal ewe eman, ika epwe tipeni eman, nge epwe turunufasei pwal ewe eman. Ousap tongeni angangepök ngeni Kot me wöün fanüfan.”

Lukas 16:4

Iei üa silei met üpwe föri, pwe lupwen üpwe towu seni wisei we aramas repwe etiwaei lon imwer.’

Föför 10:31

o a apasa, ‘Kornelius! Kot a aüselinga om iotek o chechemeni om alilis ngeni ekewe chon wöüngau.

Föför 10:4

Kornelius a newenewen ngeni lon an niuokus o aisini, “Ai samol, met ka mochen?” Ewe chon läng a pölüeni, “Kot a etiwa om iotek me om alisi ekewe chon wöüngau o a chechemenuk.

2. Korint 4:17

A müchükai ach riaföü, a pwal pal, nge epwe atoto ngenikich eu watten ling esemüch a fokun lapalap seni ekei riaföü.

Jutas 1:21

Iwe, oupwe püsin tümwünükemi lon än Kot chen lupwen oua witiwiti ach Samol Jesus Kraist pwe epwe ngenikemi manau esemüch lon an ümöümöch.