Lukas 16:28 - Chuukese Bible

²⁸ ren pwii kewe limman. Epwe feila rer o fönöör, pwe resap pwal feito ikei lon ei lenien riaföü.’

Lukas 16:28 Iomraidhean Croise

Lukas 16:27

Iwe, ewe mwän mi pisekisek a üreni, ‘Semei Apraham, üa tüngormau ngonuk, kose mochen kopwe tinala Lasarus lon imwen semei,

Föför 10:42

A allük ngenikem pwe aipwe afalafala ewe Pworausen Manau ngeni ekewe aramas o pwärätä pwe i ätewe Kot a filätä an epwe soukapwüng won aramas mi manau me aramas mi mäla.

Föför 18:5

Iwe, lupwen Silas me Timoty ra feito seni Masetonia, Paulus a awora unusen an fansoun le afalafala ewe kapas, a pwärätä ngeni ekewe chon Juta pwe Jesus i ewe Kraist.

Föför 2:40

Petrus a fönöü ir ren chomong kapas, a pese ngeniir o apasa, “Oupwe amanauakemi seni ewe feiengau epwe tori ei täppin aramas mi ngau!”

Föför 20:21

Üa apöchöküla ai fön ngeni ekewe chon Juta me ekewe chon lükün Israel, pwe repwe kul seni ar tipis kana o kul ngeni Kot, repwe pwal lükü ach Samol Jesus.

Föför 20:23

Üa chök silei pwe lon ekewe telinimw meinisin Ngünmifel a amefi ngeniei pwe üpwe tolong lon fötek me riaföü.

Föför 20:24

Nge manauei esap aüchea ngeniei. Üa chök mochen awesala ai kitir o awesöchüela ewe angang ach Samol Jesus a ngeniei pwe üpwe föri. Iei ewe angang ai üpwe pwärätä ewe Pworausen Manau usun ewe ümöümöchün Kot.

Föför 23:11

Lon ewe pwinin, ewe Samol a ütä ren Paulus o a üreni, “Kosap niuokus! Ka pwäriei ikei lon Jerusalem, iei usun kopwe pwal fokun pwäriei lon Rom.”

Föför 26:22

Nge tori ikenai Kot a alisiei, iei mine üa ütä ikei o pwärätä mine a let ngeni aramas meinisin, seni ekewe mi kis tori ekewe mi lap. Iwe, mine üa eäni afalafal a wewefengen me mine ekewe soufos me Moses ra afalafala pwe epwe fis,

Föför 28:23

Iei mine ra filätä eu rän pwe repwe churi Paulus lon. Iwe, chomong me leir ra feito lon ewe rän lon ewe leni ia Paulus a nonom ie. Seni lesosor tori lepwin a afalafaleer o awewe ngeniir usun ewe Mwün Kot. A sotuni le pese ngeniir usun ar repwe lükü Jesus ren an pwärätä ngeniir ekewe kapas seni än Moses kewe allük me seni mine ekewe soufos ra makkeetiu.

Föför 8:25

Iwe, wesin än Petrus me Johannes pwärätä Jesus o apworausa än ewe Samol kapas, ra liwinsefäliti Jerusalem. Lupwen ar sai ra afalafala ewe Pworausen Manau lon chomong sopw me lon Samaria.

Kalatia 5:3

Üpwe asilesefäli ngenikemi, pwe ika eman mwän epwe tipeeu ngeni an epwe sirkomsais, ätewe epwe fokun aleasochisi ekewe Allük meinisin.

Efisos 4:17

Iwe, fän iten ach Samol üa fönöökemi pwe ousap sopwela le manaueni manauen chokewe mi nom lon rochopwak, pun ar ekiek a lomotongau,

1. Tesalonika 2:11

Ämi oua silei pwe aia alisi eman me eman leimi usun chök eman sam a alisi püsin nöün kana.

1. Tesalonika 4:6

Iwe, ren ei lapalap esap wor eman mwän epwe föri och mi mwäl ngeni chiechian souläng ika föri angangen atuputup ngeni. Äm aia fen ürenikemi ei me mwan o aia fokun fönöü ngenikemi, pwe ach Samol epwe apwüngü chokewe mi föri ei sokun föför mi ngau.