Lukas 16:26 - Chuukese Bible

²⁶ Nge lükün ekei mettoch meinisin a wor eu pwang mi fokun alolol lefilach, pwe chokewe mi mochen feila reöm seni ikei resap tongeni, nge chokewe mi mochen feito rem seni ikenan resap pwal tongeni.’

Lukas 16:26 Iomraidhean Croise

Kölfel 49:14

Ra fil pwe repwe ninnila usun chök ekewe sip. Mäla epwe nöür chon mas. Ekewe chon pwüng repwe pwapwa ren ar akufuur lesosor, nge ir repwe pwomachala lon ewe lenien sotup toau seni imwer mi ling.

Kölfel 50:22

Oupwe ekieki usun ei, ämi mi manlükieila. Nge are ousap, üpwe arosakemiila, nge esap wor eman epwe amanauakemi.

Isikiel 28:24

Iwe, chon ekewe mwü mi nom ünükün Israel resap chüen wewe ngeni iräfölüföl mi ekinasa chon Israel ren ar kapasen turunufas. Ren ei repwe silei pwe ngang Kot ewe Samol mi Lapalap.”

Malakai 3:18

Mürin, oupwe tongeni alefilasefäli lefilen eman chon pwüng me eman aramasangau, lefilen ätewe mi angang ngeni Kot me ätewe esap angang ngeni.”

Mateus 25:46

Iwe, chokei repwe feila ngeni ewe apwüng esemüch, nge ekewe chon pwüng repwe feila ngeni manau esemüch.”

Lukas 12:59

Üpwe ürenuk, kopwe nonom ikenan tori om kopwe wes le mönätiu unusen om we liwinimang.”

Lukas 16:25

Nge Apraham a üreni, ‘Nei, kopwe chechemeni pwe lon ränin manauom ka fen angei ekewe mettoch mi mürina meinisin, nge Lasarus a angei ekewe mettoch mi ngau. Nge iei a nom ikei lon an kinamwe, nge en ka nom ikenan lon om riaföü.

Lukas 16:27

Iwe, ewe mwän mi pisekisek a üreni, ‘Semei Apraham, üa tüngormau ngonuk, kose mochen kopwe tinala Lasarus lon imwen semei,

Johannes 3:36

Iö a lükü ewe Nau a eäni manau esemüch. Iö a lükümach ngeni ewe Nau esap eäni ewe manau, pwe än Kot song a nonom won.

Pwärätä 20:10

Mürin ewe Tefil mi atupur a koturulong lon ewe nomun ekkei me primston ia ewe manmwacho me ewe soufos chofona ra fen koturula ie. Iwe, repwe küna riaföü lerän me lepwin tori feilfeilachök.

Pwärätä 22:11

Iö a föri mine esap pwüng epwe chök sopwela le föri mine esap pwüng, nge iö a föri mine a limengau epwe chök sopwela le föri mine a limengau. Iö a föri mine a pwüng epwe chök sopwela le föri mine a pwüng, nge iö a pin epwe chök sopwela lon an pin.”

1. Samuel 25:36

Iwe, Apikael a liwinto ren Napal. Nge Napal a föri eu kametip lon imwan usun än eman king kametip. Iwe, a pwapwa lon lelukan, pun a fokun pulas. Iei mine neminewe esap fokun apworausa ngeni och tori a ränila.