Lukas 16:25 - Chuukese Bible

²⁵ Nge Apraham a üreni, ‘Nei, kopwe chechemeni pwe lon ränin manauom ka fen angei ekewe mettoch mi mürina meinisin, nge Lasarus a angei ekewe mettoch mi ngau. Nge iei a nom ikei lon an kinamwe, nge en ka nom ikenan lon om riaföü.

Lukas 16:25 Iomraidhean Croise

Hiop 22:18

Iei mwo nge Kot a fen amasoua imwer ren mettoch mi mürina. Nge ngang üa atoauala seniei än ekewe aramasangau öüröür.

Kölfel 17:14

Ai Samol mi Lapalap, kopwe angasaei seni ekewe aramas mi chök angei ar feiöch me lon ei fanüfan. Kopwe apwüngüür ren ekewe riaföü ka amolätä fän iter, amwo epwe naf ngeni nöür me nöün nöür.

Kölfel 49:11

Ar lenien peias iei imwer tori feilfeilachök, iei lenier repwe nom lon fansoun meinisin. Inamwo ika mi wor püsin fanüer me lom.

Kölfel 73:7

Seni lon leluker mi pöchökül a towu ekiek mi ngau, rawangau esap wor aükükün a chök nom lon ar ekiek.

Kölün kechü 1:7

Lupwen Jerusalem a riaföü, a chechemeni an kewe pisek mi aüchea a eäni me lomlom. Lupwen nöün kewe aramas ra sechilong lepöün chon oputan, esap wor eman mi alisi. Ekewe chon oputan ra esita o takirin ämängaua pokiten an turula.

Taniel 5:30

Nge lon ewe chök pwinin, Pelsasar ewe kingen Papilon a ninnila.

Mateus 27:63

o üreni, “Äm samol, äm aia chechemeni pwe enan chon chofona a apasa lupwen a chüen manau, ‘Üpwe manausefäl mürin ülüngat rän.’

Markus 9:45

Are pecheöm a atupukelong lon tipis, kopwe pökü. Epwe fen öch ngonuk om kopwe pecheefoch le tolong lon manau esemüch, lap seni om kopwe pecheruofoch le tolong lon hell,

Lukas 16:20

A pwal wor eman mwän mi wöüngau itan Lasarus, a kula inisin ren rup, aramas ra uweela lükün asamen imwen ewe mwän mi pisekisek.

Lukas 16:23

Lupwen a nom lon hell, a fokun riaföü watte, a anetai mesan o küna Apraham me toau, nge Lasarus a nom arun.

Lukas 16:26

Nge lükün ekei mettoch meinisin a wor eu pwang mi fokun alolol lefilach, pwe chokewe mi mochen feila reöm seni ikei resap tongeni, nge chokewe mi mochen feito rem seni ikenan resap pwal tongeni.’

Lukas 6:24

Nge feiengauemi ämi mi pisekisek lon ei fansoun, pun oua fen nom lon manau mi mecheres.

Johannes 16:33

Ngang üa fen ürenikemi usun ekei mettoch, pwe oupwe eäni kinamwe loi. Lon fanüfan ämi oupwe riaföü, nge oupwe apilükülük, pun ngang üa akufu fanüfan.”

Föför 14:22

Ra apöchöküla ekewe chon lükü o anüküchareer pwe repwe tupwöl lon ar lükülük. Ra pwal üreniir, “Sipwe tolong lon Mwün Kot ren riaföü mi chomong.”

Nöün Paulus Toropwe ngeni ekewe Souläng lon Rom 8:7

Iei mine eman aramas a ü ngeni Kot lupwen a nonom fän nemenien tipis, pun esap aleasochisi än Kot allük, pwüngün esap tongeni aleasochis ngeni.

Tuteronomi 28:17

Epwe anümamaua masouen ämi kewe chük pwe esap wor chomong uän irä lor, epwe pwal anümamaua ewe mongö oua amolätä seni.

Filipi 3:19

Lesopolan manauer repwe nom lon hell, pun ar kot iei mochenian inisiir. Ra sikäsini mine repwe säw ren o ekieki chök mettochun lon ei fanüfan.

1. Tesalonika 3:3

pwe esap wor eman me leimi epwe kulsefäl pokiten ekei riaföü mi torikemi. Oua püsin silei pwe iei letipen Kot ngenikich pwe sipwe tolong lon ekei sokun riaföü.

Ipru 11:25

A filätä an epwe eti nöün Kot kewe aramas le riaföü, lap seni an epwe pwapwaiti tipis lon ekis chök fansoun.

1. Johannes 2:15

Ousap echeni fanüfan are mettochun lon fanüfan. Pun are oua echeni fanüfan, ousap echeni ewe Sam.

Pwärätä 7:14

Üa pölüeni, “Ai samol, üsap silei, en mi silei.” Iwe, a üreniei, “Ekei aramas, ir chokewe mi towu seni ewe riaföü mi lapalap. Ra limeti üfer o apwecher lon chaan ewe Lam.