Lukas 16:24 - Chuukese Bible

²⁴ Iwe, a kökkötä, ‘Semei Apraham, kopwe tongeei o tinala Lasarus pwe epwe tikilong aütün lon koluk o apatapata chönawei, pun üa fokun riaföü lon ei ekkei.’

Lukas 16:24 Iomraidhean Croise

Hiop 20:21

Wesin an mongö esap wor och lusun, iei mine wöün esap nonomola.

Aisea 27:11

Ekewe aramas ra wewe ngeni palen ekewe irä mi pwas, ra kuputiu. Iwe, fefin repwe feito o rusifengeniir pwe repwe eäniir amüch. Pun ir eu mwichen aramas resap mirit. Iei mine Kot ewe mi föriir esap tongeäsiniir, esap pwal ümöümöch ngeniir.

Aisea 66:24

“Iwe, lupwen repwe towu, repwe nengeni somän ekewe aramas mi ü ngeniei. Ekewe möttö mi eniir resap mäla, nge ewe ekkei mi keniir esap kunula. Iwe, aramas meinisin repwe nioputäsiniir.”

Sekaraia 14:12

Iwe, ewe Samol mi Lapalap epwe awarato och mäfeiengau ngeni chon ekewe mwü meinisin mi maun ngeni Jerusalem. Epwe iei usun: Fituker epwe chök machela, lupwen ra chüen manau, föün meser epwe mach me lon pwanger, nge chönawer epwe pwal machela me lon awer.

Mateus 25:41

Mürin epwe üreni chokewe mi nom lepelimöngun, ‘Oupwe feil seniei, ämi chon anümamau, oupwe feila lon ewe ekkei esekun a fen amol fän iten Tefil me nöün chon läng kana!

Mateus 3:9

Ousap ekieki pwe oua tongeni sü seni än Kot song ren ämi apasa, ‘Äm mwirimwirin Apraham’. Pun ngang üpwe ürenikemi, pwe Kot a tongeni angei ekei fau o föri mwirimwirin Apraham seniir!

Mateus 5:22

Nge ngang üpwe ürenikemi: Iö a songeiti pwiin epwe tolong lon kapwüng, o iö a kapasen turunufas ngeni pwiin epwe tolong lon kapwüng mi lap, nge iö a apasa ngeni pwiin, ‘En mi umwes,’ epwe fich ngeni an epwe tolong lon ewe ekkeiin hell.

Lukas 16:30

Ewe mwän mi pisekisek a pölüeni, ‘Apwi, semei Apraham, are eman epwe manausefäl seni mäla o feila rer, repwe fokun aier seni ar tipis kana.’

Lukas 19:9

Jesus a üreni Sakios, “Manau a tori ei imw ikenai, pun en pwal eman mwirimwirin Apraham.

Lukas 3:8

Oupwe föri sokun föför epwe pwärätä pwe oua aier seni ämi tipis, nge ousap popuetä le apasa lefilemi, ‘Äm mwirimwirin Apraham.’ Pun ngang üpwe ürenikemi, pwe Kot a tongeni angei ekei fau o föri seniir pwe repwe mwirimwirin Apraham.

Johannes 4:10

Iwe, Jesus a pölüeni, “Are kopwe chök silei än Kot lifang, pwal ätewe mi tüngor ngonuk ünüman koluk, kopwe fen tüngor ngeni, nge i epwe ngonuk ewe kolukun manau.”

Johannes 4:14

nge iö a ün seni ewe koluk ngang üpwe ngeni, esap chüen kakasefäl. Ewe koluk üpwe ngeni epwe wiliti eu lenien puächen kolukun manau leutun mi atoto manau esemüch.”

Johannes 7:37

Lesopolan ränin ewe chulap, iei ewe rän mi fokun aüchea, Jesus a ütä o apasa fän leüömong, “Iö a kaka epwe feito rei o ün!

Nöün Paulus Toropwe ngeni ekewe Souläng lon Rom 4:12

I pwal semelapen chokewe ra sirkomsais, nge sap pokiten ar sirkomsais, nge pokiten ra manaueni ewe chök manauen lükülük semelapach Apraham a eäni me mwen an sirkomsais.

2. Tesalonika 1:8

epwe pwal feito ren ngetengeten ekkei, pwe epwe apwüngü chokewe mi pöütala Kot, resap pwal aleasochis ngeni ewe Pworausen Manau usun ach Samol Jesus.

James 2:13

Pun Kot esap eäni tong ngeni eman aramas esap eäni tong, lupwen a apwüngü. Pun tong a win lon kapwüng.

James 3:6

Iwe, chönawach a pwal usun chök eu ekkei, och mettoch mi ngau lein ekewe kifetin inisich. A alimengaua unusen inisich o küri föförün manauach ren ewe ekkei mi feito seni hell.

Pwärätä 19:20

Iwe, ewe manmwacho a kuf o oola fitifengen me ewe soufos chofona, ewe mi afisätä manaman me mwen mesan. Ren ekei manaman a atupu chokewe mi eäni asisilen ewe manmwacho me chokewe mi fel ngeni uluulun we. Ewe manmwacho me ewe soufos chofona ra koturmanauolong lon ewe nomun ekkei a küü ren primston.

Pwärätä 20:15

Iö esap mak itan lon ewe puken iten chon manau a koturulong lon ewe nomun ekkei.

Pwärätä 22:1

Mürin ewe chon läng a pwal aküna ngeniei ewe chanpupun kolukun manau, a kurufat usun ewe fau itan kristal, a pupu seni fän än Kot me än ewe Lam lenien motun king

1. Samuel 28:16

Iwe, Samuel a üra, “Pwota ka aisiniei, nge ewe Samol mi Lapalap a kul senuk o wiliti chon oputom?