Lukas 16:23 - Chuukese Bible

²³ Lupwen a nom lon hell, a fokun riaföü watte, a anetai mesan o küna Apraham me toau, nge Lasarus a nom arun.

Lukas 16:23 Iomraidhean Croise

Kölfel 16:10

Pun en ka tümwünüei seni manamanen mäla, kosap pwal mwüt ngeni noum we mi pin pwe epwe mwöch lon peias.

Kölfel 49:15

Nge Kot epwe angasaeila seni ewe lenien sotup, pun i epwe etiwaei.

Kölfel 86:13

Pun om we tong ellet a fokun lapalap ngeniei, ka amanauaei seni epin lenien sotup.

Kölfel 9:17

Iwe, ekewe aramasangau repwe fokun feil ngeni mäla, pwal chon ekewe mwü meinisin mi pöütala Kot.

Än Salomon Fos 15:24

Chon tipachem ra fetal won ewe al mi aletä ngeni manau, pwe resap fetal won ewe al mi aletiu ngeni mäla.

Än Salomon Fos 5:5

Ewe al neminewe a fetal won a ale ngeni mäla, epwe emwenukela ngeni ewe lenien sotup.

Än Salomon Fos 7:27

Iwe, imwan we efoch al mi ale ngeni ewe lenien sotup, a feitiu ngeni ekewe rumwen mäla.

Än Salomon Fos 9:18

Nge ekewe aramas resap silei pwe chokewe mi tolong lon imwen neminewe repwe mäla, nge chokewe mi wasöla ren ra fen nom epin ewe lenien sotup.

Aisea 14:15

Nge iei ka chök turufochofochetiu epin lenien sotup.

Aisea 14:9

Lenien sotup a mwökütüküt pwe epwe etiwok lupwen kopwe war, ngünün ekewe mi samol won fanüfan repwe pwätä pwe repwe kapong ngonuk, nge chokewe mi king repwe ütä seni ar lenien motun king.

Mateus 11:23

Nge en Kapernaum! Ka ekieki om kopwe püsin atekiokotä tori läng? Apwi, kopwe turutiu lon hell! Are ekewe manaman ra fen fis lomw, repwe fen fis lon Sotom, ei telinimw epwe chüen nonom tori ikenai.

Mateus 18:9

Nge are mesom a atupukolong lon tipis, kopwe alusawu o monela! Epwe fen öch ngonuk om kopwe tolong lon manau esemuch fän om meseeföü, lap seni om kopwe meseruoföü le koturelong lon ewe ekkeiin hell.

Mateus 23:33

Ämi serepenit me etelien serepenit! Ifa usun, ämi oupwe tongeni sü seni liwiningauen ämi tipis lon hell?

Mateus 5:22

Nge ngang üpwe ürenikemi: Iö a songeiti pwiin epwe tolong lon kapwüng, o iö a kapasen turunufas ngeni pwiin epwe tolong lon kapwüng mi lap, nge iö a apasa ngeni pwiin, ‘En mi umwes,’ epwe fich ngeni an epwe tolong lon ewe ekkeiin hell.

Mateus 5:29

Iwe, are pelifichin mesom epwe emwenukolong lon tipis, kopwe alusawu o pöütala. Pun a fen öch ngonuk pwe eu kükün kifetin inisum epwe pöütüla, lap seni unusen inisum epwe koturulong lon hell.

Mateus 8:29

Lon ewe chök otun ra puchörütä, “En Nöün Kot, met ka mochen föri ngenikem? Ifa usun, ka feito pwe kopwe ariaföüükem mwen ewe fansoun apwüng?”

Lukas 16:24

Iwe, a kökkötä, ‘Semei Apraham, kopwe tongeei o tinala Lasarus pwe epwe tikilong aütün lon koluk o apatapata chönawei, pun üa fokun riaföü lon ei ekkei.’

Lukas 16:28

ren pwii kewe limman. Epwe feila rer o fönöör, pwe resap pwal feito ikei lon ei lenien riaföü.’

Lukas 8:28

Iwe, lupwen a küna Jesus, a puchörütä, a aturala le pwül arun pechen Jesus o a leüömong le apasa, “Jesus Nöün Kot, ewe mi Unusen Tekia, met ka mochen föri ngeniei? Üa tüngor ngonuk, pwe kosap ariaföüüei.”

1. Korint 15:55

“En mäla, ifa om win? En mäla, ifa om manamanen akafeiengau?”

2. Petrus 2:4

Pun Kot esap achika ekewe chon läng mi tipis, nge a atururelong lon hell, ewe ia ra fötek ie lon rochokichin rochopwak o witiwiti ewe Ränin Kapwüng.

Pwärätä 20:10

Mürin ewe Tefil mi atupur a koturulong lon ewe nomun ekkei me primston ia ewe manmwacho me ewe soufos chofona ra fen koturula ie. Iwe, repwe küna riaföü lerän me lepwin tori feilfeilachök.