Lukas 16:20 - Chuukese Bible

²⁰ A pwal wor eman mwän mi wöüngau itan Lasarus, a kula inisin ren rup, aramas ra uweela lükün asamen imwen ewe mwän mi pisekisek.

Lukas 16:20 Iomraidhean Croise

Hiop 2:7

Mürin, Satan a feila seni fän mesen ewe Samol mi Lapalap o afeiengaua Hiop, pwe a kilingau o rup seni fän pechen tori won möküran.

Kölfel 34:19

Chomong riaföü ra tori ewe chon pwüng, nge ewe Samol mi Lapalap a angasala i seniir meinisin.

Kölfel 73:14

Iteiten rän üa küna riaföü, nge iteiten lesosor ka apwüngüei.

Aisea 1:6

Seni fän pechemi tori möküremi esap wor pöchökül, nge inisimi a kula ren mwochol me ninipüüng me kinas mi cha. Nge kinasemi esap tüng, esap pwal finifin ika pwetete ren lö.

Jeremaia 8:22

Ifa usun, esap wor och säfei lon Kiliat? Ifa usun, esap wor eman sousäfei ikenan? Pwota nei aramas resap chikarsefäl?

Mateus 26:71

Mürin a feiliwu lon ewe al ngeni ewe asamalap. Iwe, pwal eman chon angang fefin a küna Petrus o üreni ekewe mwän mi nom ikenan, “Ei mwän a eti Jesus seni Nasaret.”

Lukas 16:19

“A wor eman mwän mi pisekisek, a üföüf üf mi parachol me pwechepwech mi fokun mömong o a chök kakametip iteiten rän.

Lukas 16:21

Ätei a mochen an epwe mongö ekewe mworomworen mongö mi mworotiu seni än ewe mwän mi pisekisek chepel. Nge ekewe mwo kolak ra feito o chönawei rupun kewe.

Johannes 11:1

A wor eman mwän a samau itan Lasarus seni Petania. Petania ewe telinimw ia Maria me pwiin we Marta ra nom ie.

Föför 3:2

Iwe, eman mwän mi pechemä seni leuputiuan a mot ünükün ewe asamen imwenfel mi iteni “Asamalap mi echipwör”. Iteiten rän aramas ra uweeto i ünükün ei asamalap pwe epwe tütüngor moni seni ekewe aramas mi tolong lon ewe imwenfel.

James 1:9

Eman souläng mi wöüngau epwe fokun pwapwa lupwen Kot epwe atekiatä.

James 2:5

Ämi pwii kana mi achengicheng, oupwe aüseling! Ifa usun, Kot esap filätä ekewe aramas mi wöüngau won ei fanüfan pwe repwe pisekisek lon ar lükülük o feiöchüni feiöchün ewe Mwün Kot, i a pwon ngeni chokewe mi echeni?

1. Samuel 2:8

A aütai ekewe chon wöüngau seni lon pwül, a ekiewu chon mwelele seni lon ewe ioien falang, a amoteer ren ekewe samol o alenier won än chon iteföüla lenien mot. Pun ekewe longolongun fanüfan än ewe Samol mi Lapalap. I a aüetä fanüfan wor.