Lukas 16:2 - Chuukese Bible

² Iei mine a köri ewe chon souwa o üreni, ‘Met ei üa rongorong usumw? Kopwe pwäri ngeniei puken ekewe mettoch ka souwani, pun kosap chüen tongeni wiseni wisom we.’

Lukas 16:2 Iomraidhean Croise

Än Salomon Afalafal 12:14

Nge Kot epwe apwüngü föför meinisin, pwal iteiten föför mi fis lemonomon, ika a mürina ika a ngau.

Mateus 12:36

Nge üpwe ürenikemi, pwe lon ewe ränin apwüng aramas meinisin repwe küna apwüng ren iteiten kapas lomotongau ra apasatä.

Mateus 20:8

Nge lupwen a tori lekuniol, ewe mine an ewe tanipin wain a üreni nöün we chon souwan, ‘Kopwe köri ekewe chon angang o ngeniir liwinin ar angang. Kopwe popuetä ren ekewe amüchülan chon angang mi kükümwir le tolong tori chokewe mi akom le tolong.’

Lukas 12:20

Nge Kot a üreni, ‘Umwesum, lon chök ei pwinin kopwe le mäla. Iwe, iö epwe eäni ekei mettoch meinisin ka amolätä fän itom?’

Lukas 12:42

Iwe, ewe Samol a pölüeni, “Iö chök ewe chon angang mi allükülük o tipachem? Ätewe nöün masta epwe seikätä pwe epwe nemeni nöün kewe chon angang o ngeniir wiser mongö lon fansoun fich.

Lukas 16:1

Iwe, Jesus a üreni nöün kewe chon kaiö, “A wor eman mwän mi pisekisek, mi wor eman nöün chon angang mi souwani mettochun meinisin. Ewe mwän mi pisekisek a rong pwe ewe chon souwa a asolapala mettochun.

Lukas 16:3

Iwe, ewe chon souwa a ekieki lon letipan, ‘Ai we masta epwe atowuei seni wisei we. Met üpwe föri? Esap naf ai pöchökül ai üpwe tuw warawar, üa pwal säw ai üpwe tüngorfeil.

Nöün Paulus Toropwe ngeni ekewe Souläng lon Rom 14:12

Iei mine kich meinisin sipwe en me püsin pwärätä föförün lon manauan ngeni Kot.

1. Korint 1:11

Ämi pwii kana, ekoch aramas seni än Kloe famili ra asile ngeniei pwe mi wor aninifengen lefilemi.

1. Korint 4:2

Eu chök mettoch epwe fokun aüchea ren eman chon angang, pwe epwe allükülük ngeni an samol.

1. Korint 4:5

Iei mine ousap apwüngü eman me mwen an epwe war ewe fansoun mi fich. Ewe amüchülan kapwüng epwe witiwit tori ach Samol epwe war. I epwe asarama mine a monomonola lon rochopwak o pwärawu mine a monomon lon ekiekin aramas. Mürin aramas meinisin repwe angei me ren Kot iteüöchür lon met a fich ngeni eman me eman.

2. Korint 5:10

Pun kich meinisin sipwe ütä me mwen Kraist, pwe i epwe apwüngükich. Eman me eman epwe angei en me liwinin an föför a föri lon manauan, liwinin föför mürina, ika liwinin föför mi ngau.

1. Timoty 4:14

Kosap tümwününgau ngeni ewe lifang seni ewe Ngünmifel, a toruk ren än ekewe soufos kapas, lupwen ekewe souakom ra iseis pöür womw.

1. Timoty 5:24

Tipisin ekoch aramas ra fokun pwäpwäla, ra akomwola mwer lon ewe lenien kapwüng, nge tipisin ekoch a chök pwä me mürin.

1. Petrus 4:10

Ämi meinisin oua angei en me an lifang, oupwe aea fän iten chienemi usun nöün Kot kewe chon souwani ekewe sokopaten lifang.

1. Petrus 4:5

Nge ir repwe püsin peniir me mwen Kot usun meinisin mine ra föri. Kot ewe mi molotä an epwe apwüngü chon manau me chon mäla kana.

Pwärätä 20:12

Iwe, üa küna ekewe mi mäla, ekewe aramas tekia me aramas kis, ra ütä me mwen ewe lenien motun king. Iwe, ekewe puk ra sukula. Mürin pwal eu puk a sukula, iei ewe puken iten chon manau. Iwe, ekewe mi mäla ra küna kapwüng won mine ra föri usun a makketiu lon ekewe puk.