Lukas 16:19 - Chuukese Bible

¹⁹ “A wor eman mwän mi pisekisek, a üföüf üf mi parachol me pwechepwech mi fokun mömong o a chök kakametip iteiten rän.

Lukas 16:19 Iomraidhean Croise

Ester 8:15

Iwe, Mortokai a towu seni fän mesen ewe king fän üfen king mi arauarau me pwech, a pwal üföüf echö owokot mi parachol o mwärini epa mwärämwär seni kolt. Iwe, chon ewe telinimw Susa ra mweireir fän pwapwa.

Än Salomon Fos 14:24

Än ekewe chon tipachem pisekisek iei ar lingöch, nge än ekewe chon tiparoch wewemang iei ar umwes.

Än Salomon Fos 31:22

A püsin föri an pilangket, a üföüf üf seni mangaku mi pwechepwech me parapar.

Aisea 3:23

nöür kilasen ori me üfer simis mi menenen o lingöch, pwal imwer akkaw me ar nikotupwöl meinisin.

Isikiel 16:13

Iei usun a wor foutom seni kolt me silifer, ka üföüf üf seni mangaku mi pwechepwech me silik me mangaku mi chü. Anom mongö pilawa mi mürina, ünümom chönün chunen, üa pwal ngonuk apüra seni föün olif. Iwe, ka fokun liöchüla o tolong lon wisen kiwin.

Isikiel 16:49

Iei tipisin pwiüm we Sotom: I me wisoposopun kewe ra lamalamtekia, ra mongömong, ra pwal nonomöch fän kinamwe, nge resap alisi chon wöüngau me mwelele.

Isikiel 27:7

Amarom me filäikom ra för seni mangaku mi pwechepwech o chü seni Isip, nge imweimwen womw a pwölüpwöl ngeni mangaku mi arauarau me parochol seni ewe fanü Saipiros.

Markus 15:17

Ra aüfa ngeni echö üf mi parachol, mürin ra fittiifengeni palen iräfölüföl o isetä won möküren Jesus pwe mwärin.

Markus 15:20

Lupwen ra wes le turunufasei, ra pwiliti seni ewe üf mi parachol o aüfa ngeni püsin üfan kewe. Mürin ra etekinala pwe epwe iräpenges.

Lukas 15:13

Ekoch rän mürin ewe nau mi kükün a amömöla mettochun kewe o feila seni lenian fän ewe moni. Iwe, a feila lon eu fanü mi toau, nge ikenan a fangesoroula nöün we moni ren an föföringau.

Lukas 16:1

Iwe, Jesus a üreni nöün kewe chon kaiö, “A wor eman mwän mi pisekisek, mi wor eman nöün chon angang mi souwani mettochun meinisin. Ewe mwän mi pisekisek a rong pwe ewe chon souwa a asolapala mettochun.

Lukas 16:18

Are eman mwän a mwü seni pwülüan o pwülüeni pwal eman fefin, i a tipisin lisowu, nge eman mwän mi pwülüeni eman fefin mi mwü seni pwülüan a pwal tipisin lisowu.

Lukas 16:20

A pwal wor eman mwän mi wöüngau itan Lasarus, a kula inisin ren rup, aramas ra uweela lükün asamen imwen ewe mwän mi pisekisek.

Pwärätä 17:4

Ei fefin a üföüf üf mi parachol me parapar, a pwal foute ngeni sokopaten fout seni kolt, fau mi aüchea me föün pwei. A amwöchü lepöün eu kap seni kolt mi ur ren sokopaten mettoch mi anioput me limengauen an föförün lisowu.

Pwärätä 18:16

repwe apasa, “A ifan me watten feiengauan! A ifan me amairün feiengauen ewe telinimw mi watte! A soun üföüf üf mi pechepwech, parachol me parapar o foutei ngeni sokun fout seni kolt, fau aüchea me föün pwei!

Pwärätä 18:7

Oupwe awora ngeni neminei chomong riaföü me letipeta, usun chök watten ewe ling a püsin alinga ngeni me ewe pwapwan fanüfan a awora ngeni. Pun a püsin ekieki lon letipan, ‘Ngang eman kiwin, üa mot won ai lenien mot! Ngang üsap eman fin lipichsefäl. Ngang üsap fokun tolong lon letipeta.’

Soukapwüng 8:26

Iwe, choun ekewe iering seni kolt Kition a tüngor ina epwe ükükün faik me ülüngat paun kolt. Nge esap alealong ekewe fout mi lapalapeni lapalapen epek maram, ekewe fouten fän üw, ekewe üf mi parachol ekewe kingen Mitian ra üföüf, pwal ekewe afouten won üen nöür kamel.