Lukas 16:17 - Chuukese Bible

¹⁷ Nge epwe fen mecheres pwe läng me fanüfan repwe morola mwen eföü mesen makken ekewe allük epwe talüla.

Lukas 16:17 Iomraidhean Croise

Aisea 40:8

Iwe, ewe fetil a pwasala, ewe pön irä a morotiu, nge alon ach we Kot epwe nonom tori feilfeilachök.

Aisea 51:6

Oupwe netä läng, oupwe pwal nenela won fanüfan. Iwe, läng epwe morola usun ötüöt, fanüfan epwe mesingauala usun echö katup, nge chokewe mi manau won repwe mäla usun chök nikken. Nge ai angangen amanaua aramas epwe nonom fochofoch, ai pwüng esap fokun müchüla.

Mateus 5:18

Enlet, ngang üpwe ürenikemi, pwe tori än läng me fanüfan repwe morola, esap wor och kükün mesen mak are och tik won eföü mesen mak epwe morola tori an epwe pwönüetä ekei mettoch meinisin.

Lukas 21:33

Läng me fanüfan repwe morola, nge ai kapas kana resap fokun morola.

Nöün Paulus Toropwe ngeni ekewe Souläng lon Rom 3:31

Ifa usun, wewen pwe ren ei lükülük sipwele pöütala ekewe Allük? Apwi, esap fokun ina, nge sia fen anüküchara ekewe Allük.

1. Petrus 1:25

Nge än ewe Samol kewe kapas repwe nonom tori feilfeilachök.” Ei kapas iei ewe Pworausen Manau ra aronga ngenikemi.

2. Petrus 3:10

Nge ränin ewe Samol epwe war usun eman chon solä. Lon ewe rän läng epwe morola ren püngün chopulap o minen läng repwe karala o tala, nge fanüfan me meinisin mine a nom lon resap chüen nom.

Pwärätä 20:11

Mürin üa küna eu lenien motun king mi watte o pwechepwech me ewe eman mi mot won. Fanüfan me läng ra süla seni mwen mesan, nge esap chüen wor leni fän iter.

Pwärätä 21:1

Mürin üa küna eu läng mi fö me eu fanüfan mi fö, pun ewe poputän läng me ewe poputän fanüfan ra morola, nge matau esap chüen wor.

Pwärätä 21:4

Epwe talüpwasei chönün mas seni won meser meinisin. Esap chüen wor mäla ika letipeta ika kechü ika cheuch, pun ekewe mettochun lom ra morola.”