Lukas 16:13 - Chuukese Bible

¹³ “Esap wor eman chon angang a tongeni angang ngeni ruoman samol. Pun epwe oput eman, nge epwe echeni pwal ewe eman, ika epwe tipeni eman, nge epwe turunufasei pwal ewe eman. Ousap tongeni angangepök ngeni Kot me wöün fanüfan.”

Lukas 16:13 Iomraidhean Croise

Mateus 4:10

Jesus a üreni, “Kopwe sü seniei Satan! Pun a mak lon ekewe Toropwe mi Pin, ‘Kopwe fel ngeni ewe Samol om Kot o angang ngeni i chök.’”

Mateus 6:24

“Esap wor eman a tongeni angang ngeni ruoman samol. Pun epwe oput eman, nge epwe echeni ewe eman, ika epwe tipeni eman, nge epwe turunufasei ewe eman. Ousap tongeni angangepök ngeni Kot me wöün fanüfan.

Lukas 11:23

Iwe, are eman esap etiei, i eman chon ü ngeniei, nge are eman esap alisiei le ikioi, i eman chon kütifeseni.

Lukas 14:26

“Iö a feito rei esap tongeni nei chon kaiö, are esap echeniei lap seni an echeni saman me inan, pwülüan me nöün kana, pwiin me fefinan kana, pwal mwo nge püsin manauan.

Lukas 16:12

Iwe, are ousap allükülük le tümwünü mine än eman, iö epwe ngenikemi mine wesewesen wöümi?

Lukas 16:9

Iwe, Jesus a sopwela le kapas, “Üpwe ürenikemi: Oupwe aea wöün fanüfan an epwe wor chiechiemi, pun lupwen epwe itela, repwe etiwakemi lon ewe leni ia aramas repwe nom ie tori feilfeilachök.

Lukas 9:50

Iwe, Jesus a üreni Johannes me nöün kewe chon kaiö, “Ousap pinei an angang. Pun eman esap ü ngenikemi, a fitikemi.”

James 4:4

Ämi aramas mi kirikiringau! Ousap silei pwe chiechi ngeni fanüfan wewen fiu ngeni Kot? Iö a mochen chiechi ngeni fanüfan, i ewe aramas mi fiu ngeni Kot.

Josua 24:15

Nge ika ousap mochen angang ngeni ewe Samol mi Lapalap, ikenai oupwe filätä iö oupwe angang ngeni. Oupwe filätä ika oupwe angang ngeni ekewe kot ämi kewe lewo ra angang ngeniir me lon ewe fanü pekilan ewe chanpupu Oifrat, ika än chon Amor kewe kot mine fanüer we oua nom lon. Nge ngang me chon leimwei, äm aipwe angang ngeni ewe Samol mi Lapalap.”