Lukas 15:7 - Chuukese Bible

⁷ Ngang üpwe ürenikemi, ina chök usun epwe wor watten pwapwa lon läng fän iten eman chon tipis mi aier, lap seni ekewe tiwe me tiweman aramas mi pwüng, ra ekieki pwe esap wor lomoten ar repwe aier.

Lukas 15:7 Iomraidhean Croise

Än Salomon Fos 30:12

Mi wor aramas ra ekieki pwe ra püsin limöch, nge ra fokun limengau.

Mateus 18:13

Nge are epwe küna ewe eman, enlet, üpwe ürenikemi, ätewe epwe fokun pwapwaäsini ewe eman sip mi mwalechela lap seni an pwapwaäsini ekewe tiwe me tiweman resap mwalechela.

Mateus 3:8

Oupwe föri sokun föför epwe pwärätä pwe oua aier seni ämi tipis.

Lukas 15:10

Ngang üpwe ürenikemi, ina chök usun nöün Kot kewe chon läng repwe fokun pwapwa fän iten eman chon tipis mi aier.”

Lukas 15:29

Nge ewe mwänichi a üreni saman we, ‘Nengeni, lon chomong ier, ngang üa angang ngonuk usun eman amanau. Üsap fokun aleasolap ngeni met ka allük ngeniei. Nge en, esap wor met ka ngeniei, esap mwo nge eman nienifön kuuch pwe üpwe föri eu kametip ngeni chiechiei kewe.

Lukas 15:32

A fokun öch ach sipwe kametip o pwapwa, pun pwiüm we a mäla, nge iei a manausefäl, a mwalechela, nge iei a liwinsefälito.’”

Lukas 15:6

o uweesefäliela lon lenian. Mürin epwe körifengeni chiechian kana me chon arun kana o üreniir, ‘Ousipwe fokun pwapwa, pun üa küna nei we sip mi mwalechela.’

Lukas 15:8

“Ika a wor eman fefin mi eäni engol föün moni silifer, nge eföü a pöüt seni. Met neminei epwe föri? Epwe atina eu lamp, epwe pirumwei lon imwan o achocho ngeni le kütta tori epwe küna.

Lukas 16:15

Nge Jesus a üreniir, “Ämi oua alapalapöchükemi fän mesen aramas, nge Kot a silei lelukemi. Pun ekewe mettoch aramas ra ekieki pwe ra kon aüchea ra anioput me ren Kot.

Lukas 5:32

Ngang üsap feito, pwe üpwe köri ekewe chon pwüng ar repwe ekieksefäl, pwe ekewe chon tipis.”

Nöün Paulus Toropwe ngeni ekewe Souläng lon Rom 7:9

Me lom üa manau lupwen esamwo wor allük mi aiti ngeniei pwe a tipis ai föri föför mi ngau. Nge lupwen üa silei ewe allük, tipis a popuetä le nemenem.