Lukas 15:29 - Chuukese Bible

²⁹ Nge ewe mwänichi a üreni saman we, ‘Nengeni, lon chomong ier, ngang üa angang ngonuk usun eman amanau. Üsap fokun aleasolap ngeni met ka allük ngeniei. Nge en, esap wor met ka ngeniei, esap mwo nge eman nienifön kuuch pwe üpwe föri eu kametip ngeni chiechiei kewe.

Lukas 15:29 Iomraidhean Croise

Aisea 65:5

Iwe, ra apasa ngeni chon aruur, ‘Ousap kanoto rem o atapakem, pun aia kon pin senikemi.’ Ekei aramas ra usun chök eu ekkei mi ötüpwaro, a ötütä lon pwöti iteiten rän.

Sekaraia 7:3

Repwe pwal aisini ekewe souasor me ekewe soufos, “Ifa usun, äm aipwe sopwela le ngüngüres me echikefel fän iten talan ewe Imwenfel lon ewe alimuen maram, usun äm aia piin föföri lon chomong ier?”

Malakai 3:14

Ren ämi apasa, ‘A lomotongau ach angang ngeni Kot. Met lomoten ach apwönüetä an kewe allük ika ach pwärätä ach letipeta ren mine sa föri me mwen ewe Samol mi Unusen Manaman?

Mateus 20:12

Ra apasa, ‘Ekei mwän mi tolong le sopolan ra chök angang lon ükükün eu awa, nge äm aia angang weires fän akkar lon unusen eu rän, nge ka chök anönnöü liwiniir me liwinim.’

Lukas 15:28

Iwe, ewe mwänichi a fokun song, pwe esap mochen tolong lon ewe imw. Iei mine saman we a towu ren o tüngormau ngeni pwe epwe tolong.

Lukas 15:30

Nge lupwen noumw ei alüal mi olusmwäliela woumw ngeni fin lisowu a liwinto, en ka niela ewe nienifön kow mi oumanau fän itan.’

Lukas 15:7

Ngang üpwe ürenikemi, ina chök usun epwe wor watten pwapwa lon läng fän iten eman chon tipis mi aier, lap seni ekewe tiwe me tiweman aramas mi pwüng, ra ekieki pwe esap wor lomoten ar repwe aier.

Lukas 17:10

Ina usun pwal ämi. Lupwen oua wes le föri wisemi meinisin, oupwe apasa, ‘Äm aia chon angang mi lomotongau, aia chök föri mine wisem.’”

Lukas 18:9

Iwe, Jesus a pwal apworausa ei pworausen awewe ngeni ekewe aramas mi lükü püsin ar pwüng o aücheangaua aramas.

Lukas 19:21

Üa niuokusituk, pun en eman mwän mi tipepöchökül. Ka angei mine esap om o kini mine kosap fotuki.’

Nöün Paulus Toropwe ngeni ekewe Souläng lon Rom 10:3

Resap silei usun mine Kot a föri, pwe aramas repwe küna pwüng me ren, nge ra fen sotuni usun ar repwe küna püsin ar pwüng. Iei usun resap atolongeer fän mine Kot a föri pwe aramas repwe küna pwüng me ren.

Nöün Paulus Toropwe ngeni ekewe Souläng lon Rom 3:20

Pun esap wor eman aramas epwe küna pwüng ren an apwönüetä pwüngün ekewe Allük. Nge mine ekewe Allük ra föri, ra aiti ngeni aramas pwe ra tipis.

Nöün Paulus Toropwe ngeni ekewe Souläng lon Rom 3:27

Iwe, met sia tongeni aingaing won? Esor! Met popun pwe a iei usun? Pokiten sia aleasochisi ekewe Allük? Apwi, nge sia lükü.

Nöün Paulus Toropwe ngeni ekewe Souläng lon Rom 7:9

Me lom üa manau lupwen esamwo wor allük mi aiti ngeniei pwe a tipis ai föri föför mi ngau. Nge lupwen üa silei ewe allük, tipis a popuetä le nemenem.

Pwärätä 2:17

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe ngeni och seni ewe mana mi monomon, üpwe pwal ngeni eman me eman leir eföü fau mi pwechepwech a mak won eu it mi fö, esap wor eman epwe silei pwe ewe chök eman mi angei.”

Pwärätä 3:17

Pun ka apasa, ‘Ngang üa pisekisek o wöü, esap wor ai osupwang.’ Nge en kosap silei pwe ka mwelele o attong, ka wöüngau me chun o selela.