Lukas 15:22 - Chuukese Bible

²² Nge ewe sam a köri nöün kewe chon angang o üreniir, ‘Oupwe kaila, uwato echö üf mi fokun mürina o aüföüfa ngeni. Oupwe uwalong won aütün pöün efoch ring o aipweipwa sus.

Lukas 15:22 Iomraidhean Croise

Keneses 41:42

Mürin, Farao a üttawu an ringen impwang seni won aütün o sökalong won aütün Josef. A pwal aüfaüfa ngeni mangaku mi aüchea o amwärämwära ngeni epa mwärämwär seni kolt fän üan.

Ester 3:10

Iwe, ewe king a üttawu nöün ringen impwang seni won pöün o ngeni Haman nöün Hametata ewe mwirimwirin Akak, ewe mi oput ekewe chon Juta.

Ester 8:2

Iwe, ewe king a üttawu nöün ringen impwang, a fen angei seni Haman, o ngeni Mortokai. Nge Ester a anomu fän nemenien Mortokai meinisin mine Haman a eäni.

Kölfel 132:16

Üpwe ngeni ekewe souasor seni Sion manau, nge nöün chon pin kana repwe mweireir fän pwapwa.

Kölfel 132:9

Noum kewe souasor repwe föri mine a pwüng fansoun meinisin, nge noum kewe chon pin repwe mweireir fän pwapwa.

Kölfel 18:33

A amüttiriei usun müttirin chia, a pwal aleniöchüei won ekewe leni mi tekia.

Kölfel 45:13

Nöün ewe king föpwül a unusen ling me lon rumwan, üfan kewe ra tür seni terech kolt.

Än Salomon Köl 7:1

En nöün king föpwül, a fokun öch pecheöm lon ipwom sus. Sengesengen wänükum a usun chök chipwechipwen fau aüchea, förien eman mi silelap.

Aisea 61:10

Üpwe fokun pwapwa ren ewe Samol mi Lapalap, ngüni epwe mwänek ren ai Kot. Pun a aüföüfa ngeniei manau, a pwal pwilitalong woi pwüng pwe ina üfei. Üa wewe ngeni eman mwän apwüpwülü söfö, a foutei ngeni foutan, üa pwal wewe ngeni eman fin apwüpwülü söfö, a mwärämwär mwärin fau aüchea.

Lukas 15:21

Iwe, ewe alüal a apasa, ‘Semei, ngang üa tipis ngeni Kot pwal ngonuk. Üsap chüen fich ngeni ai üpwe iteni noumw.’

Lukas 15:23

Mürin oupwe feila o uwato ewe nienifön kow mi oumanau o niela. Ousipwe mongöfengen o pwapwa!

Nöün Paulus Toropwe ngeni ekewe Souläng lon Rom 13:14

Nge oupwe angei än ach Samol Jesus Kraist kewe pisekin maun, oupwe ükütiu le ekieki usun ämi oupwe apwönüetä mochenian fitukemi.

Nöün Paulus Toropwe ngeni ekewe Souläng lon Rom 3:22

Kot a föri pwe aramas ra küna pwüng ren ar lükü Jesus Kraist. Kot a föri ei ngeni chokewe meinisin mi lükü Kraist, pun esap wor sokofesenin lefiler meinisin:

Nöün Paulus Toropwe ngeni ekewe Souläng lon Rom 8:15

Pun ewe Ngün Kot a ngenikemi esap nöünikemi chon angang pwe oupwe niuokus, nge ewe Ngün a atolongakemi lon tettelin nöün Kot. Iwe, ren atufichien ewe Ngün sia kökkö ngeni Kot, “Sam! Semei!”

Kalatia 3:27

Pun ämi meinisin mi fen papatais lon Kraist oua manaueni manauen Kraist.

Efisos 6:15

nge oupwe ipweipw susun molotä ngeni ämi oupwe aronga ewe Pworausen Manau mi wor kinamwe lon.

Tuteronomi 33:25

Iwe, lokkun asamalapen ar kewe telinimw repwe för seni mächä me piras. Lon ükükün ränin manauer ina pwal ükükün ar repwe pöchökül.”

Pwärätä 19:8

Kot a ngeni echö üf mi limöch, a pwechepwech o molupolup pwe epwe üföüf.” (Ewe üf mi pwechepwech iei än ekewe chon pin föför mi pwüng.)

Pwärätä 2:17

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe ngeni och seni ewe mana mi monomon, üpwe pwal ngeni eman me eman leir eföü fau mi pwechepwech a mak won eu it mi fö, esap wor eman epwe silei pwe ewe chök eman mi angei.”

Pwärätä 3:18

Iei mine üpwe ürenuk mine kopwe föri: Kopwe kamö seniei kolt mi limelim ren ekkei, pwe kopwe pisekisekila. Kopwe pwal kamö üf mi pwechepwech, pwe kopwe üföüf o pwölüela asäwen om selela. Kopwe pwal kamö säfeen mas, pwe kopwe säfeeni mesom pwe kopwe tongeni küna mwomw.

Pwärätä 6:11

Mürin Kot a ngeni eman me eman leir echö üf mi pwechepwech o a üreniir, pwe repwe mwo asösö ekis chök fansoun mochomoch, tori epwe unus iteiten chiechier kewe chon angang me pwiir kewe repwe ninnila usun chök ir.

Pwärätä 7:9

Mürin ei, üa küna eu mwich mi fokun chocho, esap wor eman aramas a tongeni aleaniir. Ra feito seni sokopaten mwich, ainang, mwü me kapas meinisin. Iwe, ra ütä me mwen ewe lenien motun king me ewe Lam, ra üföüf üf mi pwechepwech o ra amwöchü paan nü lepöür.