Lukas 15:21 - Chuukese Bible

²¹ Iwe, ewe alüal a apasa, ‘Semei, ngang üa tipis ngeni Kot pwal ngonuk. Üsap chüen fich ngeni ai üpwe iteni noumw.’

Lukas 15:21 Iomraidhean Croise

Hiop 33:27

Iwe, epwe feito fän mesen aramas o pwärätä, ‘Üa tipis o tok seni mine a pwüng, nge Kot esap liwini ngeniei.

Kölfel 143:2

Kosap atolongaei lon om kapwüng, ngang noum chon angang, pun esap wor eman aramas mi manau a pwüng fän mesom.

Kölfel 51:4

Üa tipis ngonuk, fokun ngonuk echök, o föri mine a ngau me fän mesom. Iei mine a pwüng om kopwe apwüngüei, esap pwal wor om mwäl, lupwen ka eäni kapwüng.

Jeremaia 3:13

Oupwe chök pwärätä ämi tipis, pwe oua ü ngeniei ngang ewe Samol mi Lapalap ämi we Kot. Oupwe pwärätä pwe oua chiechi ngeni ekewe koten ekis fän ekewe irä mi mwuresires, ousap pwal aleasochisi ai kapas. Ngang ewe Samol mi Lapalap üa kapas.

Isikiel 16:63

Iwe, lupwen üpwe amusala om kewe föför mi ngau meinisin, en kopwe chechemeniir o säw rer, pwe kosap chüen apasa och,” iei alon Kot ewe Samol mi Lapalap.

Lukas 15:20

Iwe, ewe alüal a ütä o liwinsefäliti saman. Nge lupwen a chüen toau seni lenian, seman we a küna o a fokun tongei. A sä ngeni, a romi o mitiri.

Lukas 15:22

Nge ewe sam a köri nöün kewe chon angang o üreniir, ‘Oupwe kaila, uwato echö üf mi fokun mürina o aüföüfa ngeni. Oupwe uwalong won aütün pöün efoch ring o aipweipwa sus.

Nöün Paulus Toropwe ngeni ekewe Souläng lon Rom 2:4

Eli ka turunufasei an kirikiröch mi fokun lapalap, an songomang me tongotam! Kosap mefi pwe än Kot kirikiröch a mochen emwenuk ngeni ekieksefäl?

1. Korint 8:12

Lupwen ka tipis ngeni pwiüm lon ei sokun lapalap o afeiengaua mwelien letipan mi apwangapwang, ka tipis ngeni Kraist.