Lukas 15:20 - Chuukese Bible

²⁰ Iwe, ewe alüal a ütä o liwinsefäliti saman. Nge lupwen a chüen toau seni lenian, seman we a küna o a fokun tongei. A sä ngeni, a romi o mitiri.

Lukas 15:20 Iomraidhean Croise

Keneses 33:4

Nge Esau a mümütüto ren, a romi o mitiri. Iwe, ra kechüfengen me ruoman.

Keneses 45:14

Mürin, Josef a romi Peniamin o kechü won üan, nge Peniamin a pwal kechü won üen Josef.

Keneses 46:29

Nge Josef a amolätä wan woken pwe epwe feila o churi Israel saman we lon Kosen. Iwe, lupwen a churi, a romi saman o kechü won üan fansoun langatam.

2. Samuel 14:33

Iei mine Joap a feila ren ewe king o üreni alon Apsalom. Mürin, ewe king a titi Apsalom. Iwe, Apsalom a feito ren ewe king o chapetiu lepwül me mwan, nge ewe king a mitiri Apsalom.

Kölfel 86:15

Nge en, ai Samol, eman Kot mi ümöümöch o kirikiröch, ka songomang o wöün tong ellet me allükülük.

Kölfel 86:5

Pun en, ai Samol, ka kirikiröch o amusala tipis, om tong ellet a somwosom ngeni meinisin mi iotek ngonuk.

Aisea 49:15

Nge ewe Samol mi Lapalap a üreni, “Ifa usun, eman fefin epwe tongeni manlükala nöün mönükol, pwe esap tongeäsini nöün won inisin? Nge are epwe fen manlükala, ngang üsap manlukuk.

Aisea 57:18

Iwe, üa küna föförür meinisin, nge üpwe chök amanaueer. Üpwe emweniir o fokun achipeer. Üpwe pwal aururu ir mi letipeta o föri pwe repwe mwareitiei.

Jeremaia 31:20

Ifa usun, Israel esap nei mwän mi achengicheng? Ifa usun, sap i nei üa pwapwa ren? Inamwo ika üa kulu söküri ngeni, nge üa chüen chechemeni. Iei mine lelukei a positi i, üpwe fokun eäni ümöümöch ngeni. Ngang ewe Samol mi Lapalap üa kapas.

Osea 11:8

Ifa usun ai üpwe tongeni fangatä, en Israel? Ifa usun ai üpwe tongeni likitukela? Ifa usun ai üpwe ataakela usun ai ataela Atma? Ifa usun ai üpwe tongeni föri ngonuk usun mine üa föri ngeni Sepoim? Letipei a siwil, ai tong a pwichikar o nüküchar.

Lukas 15:19

Üsap chüen fich ngeni ai üpwe eman noumw, kopwe chök anomuei lon tettelin eman chon angang.’

Lukas 15:21

Iwe, ewe alüal a apasa, ‘Semei, ngang üa tipis ngeni Kot pwal ngonuk. Üsap chüen fich ngeni ai üpwe iteni noumw.’

Föför 2:39

Pun iei met Kot a fen pwon ngenikemi me nöümi kana pwal ngeni chokewe meinisin mi toau, ir meinisin ewe Samol ach we Kot a püsin körireto ren.”

Föför 20:37

Iwe, ir meinisin ra kechü lupwen ra kapong ngeni fän ar tong.

Efisos 2:13

Nge iei, pokiten oua nonom lon Kraist Jesus, ämi mi toauala me lom, oua kaneto ren chaan Kraist.

Efisos 2:17

Iei usun Kraist a feito o afalafala ewe Pworausen Manau usun kinamwe ngeni aramas meinisin, ngeni ämi chon lükün Israel mi toau seni Kot, pwal ngeni ekewe chon Juta mi arap ngeni.