Lukas 15:2 - Chuukese Bible

² ekewe Farisi me Sensen Allük ra popuetä le ngününgünü o üra, “Ei mwän a etiwa chon tipis, a pwal mwo nge etiir le mongö.”

Lukas 15:2 Iomraidhean Croise

Mateus 11:19

Nge lupwen Nöün Aramas a feito, a mongö o ün, nge aramas ra apasa, ‘Ou nengeni ei mwän! I eman mi mongömong me ünümong, eman mi chiechi ngeni ekewe chon ioni takises me chon tipis.’ Än Kot tipachem a pwäla pwe a let ren an kewe föför.”

Mateus 9:11

Lupwen ekewe Farisi ra küna ei, ra üreni nöün kewe chon kaiö, “Pwota nöümi we sense a mongöfengen me ekewe chon ioni takises me chon tipis?”

Lukas 15:3

Iei mine Jesus a üreniir ei pworausen awewe:

Lukas 19:7

Lupwen ekewe aramas meinisin ra küna mine a fis, ra ngününgünfengen lefiler, “Ei mwän a wasöla ren eman chon tipis.”

Lukas 5:30

Iwe, ekoch ekewe Farisi me ekoch Sensen Allük mi choni ar kewe mwich, ra ngününgün ngeni nöün Jesus kewe chon kaiö o aisiniir, “Pwota oua mongö o ün me ekewe chon ioni takises me ekewe chon tipis?”

Lukas 7:34

Nöün Aramas a feito, a mongö o ün, nge ämi oua apasa, ‘Ou nengeni ei mwän! I eman mi mongömong o ünümong, eman mi chiechi ngeni ekewe chon ioni takises me chon tipis.’

Lukas 7:39

Lupwen ewe Farisi mi köri Jesus pwe epwe mongö ren a küna ei, a ekieki lon lelukan, “Are ei mwän wesewesen eman soufos, epwe silei iön ewe fefin a atapa. Epwe silei pwe i eman fefin mi tipis.”

Föför 11:3

“En ka wasöla lon imwen ekewe chon lükün Israel resap sirkomsais, ka pwal mwo nge etiir le mongö!”

Kalatia 2:12

Pun me mwen ekoch mwän, James a tiniirela, resamwo tori Antiokia, Petrus a momongöfengen me ekewe soulängin chon lükün Israel. Nge lupwen an ekei mwän war, Petrus a ütä seniir o esap chüen etiir le mongö, pun a niuokusiti ätekewe mi apasa pwe ekewe chon lükün Israel repwe sirkomsais.

1. Timoty 1:15

A allükülük ewe kapas pwe aramas repwe fokun etiwa o lükü: Kraist Jesus a feito lon ei fanüfan pwe epwe amanaua chon tipis. Ngang eman chon tipis mi ngau seniir meinisin.