Lukas 15:19 - Chuukese Bible

¹⁹ Üsap chüen fich ngeni ai üpwe eman noumw, kopwe chök anomuei lon tettelin eman chon angang.’

Lukas 15:19 Iomraidhean Croise

Keneses 32:10

Üa kon aücheangau ngeni om kirikiröch me om tipelükülük meinisin ka eäni ngeniei noum chon angang. Pun ei chök wok a nom rei, lupwen üa pwerela pekilan ei chanpupu Jortan, nge ikenai üa wiliti ruu mwich.

Hiop 42:6

Iei mine üa püsin atipisiei o ekieksefäl lon pwül me falang.”

Kölfel 84:10

Pun ai nonom lon imwom lon ükükün eu chök rän a mürina seni ai nonom ekis lon ükükün engeröü rän. Üa efich ai üpwe nom lon asamalapen imwen ai Kot, lap seni ai üpwe nonom lon imwen ekewe aramasangau.

Lukas 15:18

Üpwe ütä o liwinla ren semei o üreni: Semei, üa tipis ngeni Kot pwal ngonuk.

Lukas 15:20

Iwe, ewe alüal a ütä o liwinsefäliti saman. Nge lupwen a chüen toau seni lenian, seman we a küna o a fokun tongei. A sä ngeni, a romi o mitiri.

Lukas 5:8

Lupwen Simon Petrus a küna mine a fis, a fotopwäsuketiu mwen Jesus o üreni, “Kopwe feila seniei ai Samol, pun ngang eman chon tipis.”

1. Korint 15:9

Pun ngang üa kis seni ekewe soukünö meinisin, esap fich ngeniei ai üpwe iteni eman soukünö, pun üa ariaföüü chon ewe mwichefelin Kot.

1. Petrus 5:6

Iei mine oupwe atekisonakemi fän pöün Kot mi manaman, pwe epwe atekiakemi lon an fansoun mi fich.