Lukas 15:17 - Chuukese Bible

¹⁷ Mürin a nela lelukan. Iwe, a apasa, ‘Nöün semei kewe chon angang mi liwin meinisin a watte aner, lap seni ar tongeni mongö, nge iei üa nom ikei lon ai mään echik.

Lukas 15:17 Iomraidhean Croise

Kölfel 119:59

Üa ekieki usun ai kewe föför, mürin üa kul ngeni om kewe allük.

Kölfel 73:20

Ra usun chök eu tan mi morokaila, lupwen eman a pwök. Ai Samol, lupwen ka ütä, ra morokaila.

Än Salomon Afalafal 9:3

Iei och mettoch mi ngau a fis won fanüfan, pwe eu chök lapalap a fis ngeni aramas meinisin. Letipen aramas ra uren mettoch mi ngau, ra pwal uren song lupwen ra manau, nge mürin ra chök mäla.

Jeremaia 31:19

Mürin ai tokola senuk üa ekieksefäl. Mürin ai miritila üa rorotiu fän letipeta. Üa säw o itengau pokiten ai tipis lealüali.’

Kölün kechü 1:7

Lupwen Jerusalem a riaföü, a chechemeni an kewe pisek mi aüchea a eäni me lomlom. Lupwen nöün kewe aramas ra sechilong lepöün chon oputan, esap wor eman mi alisi. Ekewe chon oputan ra esita o takirin ämängaua pokiten an turula.

Isikiel 18:28

Are a mefi an pupungau o ükütiu le föri tipis, epwe fokun manau, nge esap mäla.

Osea 2:7

Epwe tapwela mürin nöün kewe kamwet, nge esap toriir. Epwe kütteer, nge esap küneer. Mürin epwe apasa, “Üpwe liwiniti pwülüei akom, pun üa feiöch me mwan lap seni iei.”

Lukas 15:16

Iwe, tipen ewe alüal epwe mongö anen ekewe pik kewe mongö, nge esap wor eman a ngeni och.

Lukas 16:23

Lupwen a nom lon hell, a fokun riaföü watte, a anetai mesan o küna Apraham me toau, nge Lasarus a nom arun.

Lukas 8:35

Mürin ekewe aramas ra feila, pwe repwe küna mine a fis. Nge lupwen ar feito ren Jesus, ra küna ewe mwän ekewe anün rochopwak ra towu seni, a mot arun pechen Jesus, a üföüf o miritila. Iwe, ir meinisin ra niuokus.

Föför 12:11

Mürin Petrus a mefi mine a fis ngeni o a apasa, “Iei üa silei pwe mine a fis ngeniei a wesewesen let. Ewe Samol a tinato nöün we chon läng pwe epwe angasaei seni fän nemenemen Herotes, pwal seni ekewe mettoch meinisin ekewe aramasen Juta ra ekiekin föri ngeniei, pwe üpwe tolong lon riaföü.”

Föför 2:37

Lupwen ekewe aramas ra rongorong ekei kapas, a el letiper o ra aisini Petrus me ekewe ekoch soukünö, “Ämi pwiich kana, met äm aipwe föri.”

Efisos 5:14

Pun meinisin mine a pwäöchüla a saram. Iei mine a mak: “En chon möür, kopwe pwätä, kopwe towu seni mäla, pun Kraist epwe asaramok.”