Lukas 15:14 - Chuukese Bible

¹⁴ Iwe, lupwen a itela nöün we moni meinisin, a fis eu lengita mi watte won unusen ewe fanü. Mürin esap chüen wor mine ei alüal epwe manau seni.

Lukas 15:14 Iomraidhean Croise

2. Kronika 33:11

Iei mine ewe Samol mi Lapalap a mwüt ngeni ekewe sounemenemen ewe mwichen sounfiun ewe kingen Asiria, pwe repwe tolong lon Juta. Iwe, ra liapeni Manasa, ra kakiani o föti ngeni selipiras, mürin ra uwala Papilon.

Än Salomon Fos 13:25

Ekewe chon pwüng a wor ener mongö pwe ra tongeni möt, nge ekewe aramasangau ra echik.

Isikiel 16:27

Iei mine üa ü ngonuk o apwünguk. Üa akisikisala fanüom me rei o äsechukula ngeni chon oputok, ngeni ekewe chon Filistia mi notä ren om angangen mocheisou.

Lukas 15:13

Ekoch rän mürin ewe nau mi kükün a amömöla mettochun kewe o feila seni lenian fän ewe moni. Iwe, a feila lon eu fanü mi toau, nge ikenan a fangesoroula nöün we moni ren an föföringau.

Lukas 15:15

Iei mine a feila o küt an angang ren eman chon ewe fanü. Iwe, ätewe a tinala ewe alüal lon fanüan pwe epwe tümwünü nöün kewe pik.