Lukas 15:13 - Chuukese Bible

¹³ Ekoch rän mürin ewe nau mi kükün a amömöla mettochun kewe o feila seni lenian fän ewe moni. Iwe, a feila lon eu fanü mi toau, nge ikenan a fangesoroula nöün we moni ren an föföringau.

Lukas 15:13 Iomraidhean Croise

Kölfel 73:27

Nge chokewe mi likitukela repwe feiengau. Ka arosala chokewe resap allükülük ngonuk.

Än Salomon Fos 18:9

Eman mi chipwang ngeni an angang a pwipwi ngeni eman mi atai mettoch.

Än Salomon Fos 21:17

Eman mi sani ekewe pwapwan fanüfan epwe chök eman chon wöüngau, nge ätewe mi sani wain me löpokus esap pisekisek.

Än Salomon Fos 21:20

Lon imwen chon tipachem a wor pisek mi aüchea me löpokus, nge ekewe chon tiparoch ra fangesoroula pisekir.

Än Salomon Fos 27:8

Eman aramas mi towu seni lenian a usun eman machang mi sü seni fasan.

Än Salomon Fos 28:7

Eman mi aleasochisi ekewe allük i eman nau mi tipachem, nge eman mi chiechi ngeni chon mongömong a aitengaua saman.

Än Salomon Fos 29:3

Eman mi aücheani tipachem a apwapwai saman, nge eman mi chiechi ngeni fefin mi amömö inisir fän iten lisowu a fangesoroula wöün.

Än Salomon Fos 6:26

Eman mwän a tongeni möni eman fefin mi amömö inisin ren ükükün liwinin efoch pilawa, nge mön eman fin lisowu mi fen wor pwülüan epwe püsin manauen ewe mwän.

Aisea 1:4

Ämi eu täppin aramas mi tipis, oua fokun föföringau, nau mi lükümach chök. Oua pöütala ewe Samol mi Lapalap, oua turunufasei Ewe mi Pin lon Israel o kul seni.

Aisea 22:13

Nge oua chök pwapwa o mweireir, oua niela kow me sip kana pwe oupwe ochoch fituk o ünümi wain. Pun oua apasa, “Ousipwe momongö o ükün, pun lesor sipwe mäla.”

Aisea 30:11

Iwe, oupwe märisi ewe al, ousap epetikem. Äm aisap mochen rongorong usun Ewe mi Pin lon Israel.’”

Aisea 56:12

Iwe, ra apasa, “Ou etto, sipwe kütta ünümach wain me sakau pwe sipwe puchula ren. Mine sa föri ikenai, sipwe pwal alapala le föri lesor.”

Jeremaia 2:13

Pun nei aramas ra föri ruu tipis: Ra likitieila, ngang ewe puächen kolukun manau, nge ra tuw chönüttu fän iter, sokun chönüttu mi sangang, esap tongeni mwöch koluk lor.

Jeremaia 2:31

Ämi aramasen Israel, oupwe aüselinga aloi. Ifa usun, üa wewe ngeni eu fanüapö me remi, ika eu fanüen rochopwak me feiengau? Pwota ämi nei aramas oua apasa, ‘Äm aipwe chök föri letipem, aisap chüen liwinsefälito reöm.’

Jeremaia 2:5

Iei alon ewe Samol mi Lapalap, “Met mwäli ämi kewe lewo ra küna, pwe ra feila toau seniei? Ra fel ngeni ekewe uluulun anümwäl mi lomotongau o wiliti aramas mi lomotongau.

Mika 6:3

A apasa, “Ämi nei aramas, met üa föri ngenikemi? Ren met üa aweiresikemi? Oupwe pälüeniei.

Lukas 15:12

Iwe, ewe mi kükün a üreni saman we, ‘Semei, kopwe ngeniei wisei me lon woumw.’ Iei mine ewe sam a ineti mettochun ngeni nöün kewe ruoman alüal.

Lukas 15:14

Iwe, lupwen a itela nöün we moni meinisin, a fis eu lengita mi watte won unusen ewe fanü. Mürin esap chüen wor mine ei alüal epwe manau seni.

Lukas 15:30

Nge lupwen noumw ei alüal mi olusmwäliela woumw ngeni fin lisowu a liwinto, en ka niela ewe nienifön kow mi oumanau fän itan.’

Lukas 16:1

Iwe, Jesus a üreni nöün kewe chon kaiö, “A wor eman mwän mi pisekisek, mi wor eman nöün chon angang mi souwani mettochun meinisin. Ewe mwän mi pisekisek a rong pwe ewe chon souwa a asolapala mettochun.

Lukas 16:19

“A wor eman mwän mi pisekisek, a üföüf üf mi parachol me pwechepwech mi fokun mömong o a chök kakametip iteiten rän.

Efisos 2:13

Nge iei, pokiten oua nonom lon Kraist Jesus, ämi mi toauala me lom, oua kaneto ren chaan Kraist.

Efisos 2:17

Iei usun Kraist a feito o afalafala ewe Pworausen Manau usun kinamwe ngeni aramas meinisin, ngeni ämi chon lükün Israel mi toau seni Kot, pwal ngeni ekewe chon Juta mi arap ngeni.

2. Petrus 2:13

repwe angei liwiniir sokun riaföü ra ariaföüü ngeni aramas. Ra chök pwapwaiti ar repwe momongö o ükün lon ar kametip le rän. Ra eu minen asäw me itengau lupwen ra etikemi le mongö, nge ra pwal pwapwaiti ar kewe föförün likatuputup.