Lukas 14:7 - Chuukese Bible

⁷ Iwe, Jesus a küna pwe ekoch wasöla mi fiti ewe mongö ra chök fili ekewe lenien mot än ekewe aramas tekia, iei mine a üreniir meinisin ei pworausen awewe:

Lukas 14:7 Iomraidhean Croise

Än Salomon Fos 25:7

Pun a mürina än eman epwe ürenuk, “Kopwe mot pekitä,” lap seni än eman epwe amotok fan me fän mesen eman aramas tekia.

Än Salomon Fos 8:1

Oupwe rongorong! Tipachem a kökkö, mirit a leüömongetä.

Isikiel 17:2

“Nöün aramas, kopwe eäni eu kapas monomon ngeni ekewe chon Israel o apworausa ngeniir eu pworausen awewe.

Mateus 13:34

Iwe, Jesus a aea pworausen awewe an epwe aiti ngeni ewe mwichen aramas ekei mettoch meinisin. Esap apasa och mettoch ngeniir lükün an epwe aea eu pworausen awewe.

Mateus 23:6

Ra sani ar repwe mot won ekewe leni fän iten aramas mi iteföüla lon lenien kametip, pwal won ekewe lenien mot mi keimwüela lon ekewe imwen felikis.

Lukas 11:43

Feiengauemi, ämi Farisi! Pun oua sani le mot won ekewe lenien mot än ekewe mi lap lon ekewe imwen felikis, pwal än ekewe aramas kapong ngenikemi fän suföl me lon ekewe lenien amömö.

Lukas 20:46

“Oupwe afälikemi ren ekewe Sensen Allük, ra sani ar repwe fetalfeil fän üfer mi langatam, ra pwal sani än aramas repwe kapong ngeniir fän suföl lon ekewe lenien amömö. Ra aea ekewe lenien mot än ekewe meilap lon ekewe imwen felikis, pwal ekewe leni fän iten aramas mi iteföüla lon ekewe lenien kametip.

Filipi 2:3

Ousap föri föförün apangau are föri och ekiekin sikesik, nge oupwe tipetekisonfengen lefilemi, ousap ekieki pwe oua mürina seni ekewe ekoch.

3. Johannes 1:9

Ngang üa makkei echö toropwe ngeni mwichefel, nge Tiotrefes, ätewe mi mochen an epwe nemenem, esap aüseling ngeni met üa apasa.

Soukapwüng 14:12

Iwe, Samson a üreniir, “Iei üpwe eäni ngenikemi eu asisil. Are oua tongeni pwäri ngeniei wewen mwen an epwe wes ekewe fisu ränin kametip, üpwe ngenikemi ilik üf mi pwechepwech, pwal ilik üföüfen kametip.