Lukas 14:27 - Chuukese Bible

²⁷ Iö esap mwärei püsin an iräpenges o tapweto müri, esap tongeni nei chon kaiö.

Lukas 14:27 Iomraidhean Croise

Mateus 10:38

Iwe, iö esap mwärei an iräpenges o tapweto müri, esap fich ngeni an epwe nei chon kaiö.

Mateus 13:21

Pokiten ewe kapas esap warar lon manauer, esap tongeni nomotam. Pun lupwen a fis osukosuk me riaföü pokiten ewe kapasen Kot, ra müttir fangatä.

Markus 10:21

Iwe, Jesus a newenewen ngeni pokiten an tongei o a üreni, “Eu chök ka mang ngeni. Kopwe feila o amömöla meinisin mine ka eäni. Nge ewe moni kopwe fang ngeni chon wöüngau, pwe epwe wor woumw lon läng. Mürin kopwe feito o tapweto müri.”

Markus 15:21

Iwe, lupwen ar feila won ewe al, ra churi eman mwän itan Simon seni Kirene, a feito seni lemäl pwe epwe tolong lon ewe telinimw. Ekewe sounfiu ra echimwa ngeni an epwe mwärei än Jesus iräpenges. Simon semen Aleksanter me Rufus.

Lukas 14:28

“Are eman leimi a ekieki an epwe aüetä eu imw tekia, epwe akomwen mottiu o kütta fite ükükün liwinin pisekin, pwe epwe silei are a naf nöün moni an epwe tongeni awesala ewe angang.

Johannes 19:17

Iwe, Jesus a mwärei an iräpenges, a towu lükün ewe telinimw o feila lon ewe leni itan “Lenien Pösökün Mökür” lon kapasen Ipru “Kolkota”.

Föför 14:22

Ra apöchöküla ekewe chon lükü o anüküchareer pwe repwe tupwöl lon ar lükülük. Ra pwal üreniir, “Sipwe tolong lon Mwün Kot ren riaföü mi chomong.”

2. Timoty 1:12

Iei popun üa nom lon ei sokun riaföü, nge üsap säw ren. Pun üa silei iö üa lükü, nge üa alletä pwe a tongeni tümwünü mine a lükü ngeniei tori ewe Ränin lesopolan.

2. Timoty 3:12

A pwüng pwe aramas meinisin mi mochen manaueni eu manauen souläng lon Kraist Jesus repwe tolong lon ninni.