Lukas 14:24 - Chuukese Bible

²⁴ Pun üa ürenikemi, pwe esap eman ätekewe mi kö repwe neni mongön ai kametip.’”

Lukas 14:24 Iomraidhean Croise

Mateus 21:43

Iei mine üpwe ürenikemi, pwe Kot epwe angei senikemi Mwün we o ngeni eu mwichen aramas mi awora ua ren ar föri föför mi pwüng.

Mateus 22:8

Mürin a körato nöün kewe chon angang o üreniir, ‘Ai kametipen apwüpwülü a fen molotä, nge chokewe mi kökköto resap fich ngeni.

Lukas 14:23

Iei mine ewe masta a üreni ewe chon angang, ‘Kopwe feila lükün ewe telinimw won ekewe al me ünükün ekewe tit o pese ngeni ekewe aramas pwe repwe feito, pwe imwei epwe ur.

Lukas 14:25

Lon eu rän, lupwen eu mwichen aramas mi chomong ra eti Jesus le fetal, a sap ngeniir o üreniir,

Johannes 3:19

Iei usun pwüngün ewe apwüng: Ewe saram a tolong lon fanüfan, nge aramas ra efich rochopwak lap seni saram, pun ar föför a ngau.

Johannes 3:36

Iö a lükü ewe Nau a eäni manau esemüch. Iö a lükümach ngeni ewe Nau esap eäni ewe manau, pwe än Kot song a nonom won.

Johannes 8:21

Iwe, Jesus a kapassefäl ngeniir, “Ngang üpwe feila. Ämi oupwe küttaei, nge oupwe mäla lon ämi tipis. Ousap tongeni feila ia üpwe feila ie.”

Johannes 8:24

Iei popun ai ürenikemi pwe oupwe mäla lon ämi tipis. Pun are ousap lüküei pwe ‘Ngang chök ewe Eman’, oupwe fokun mäla lon ämi tipis.”

Föför 13:46

Mürin Paulus me Parnapas ra pölüeniir fän pwora, “A pwüng ngenikem äm aipwe akomwen afalafala ngenikemi ewe kapasen Kot. Nge pokiten ousap etiwa, ousap pwal ekieki pwe oua fich ngeni ewe manau esemüch, aipwe likitikemi o feila ngeni ekewe chon lükün Israel.