Lukas 14:23 - Chuukese Bible

²³ Iei mine ewe masta a üreni ewe chon angang, ‘Kopwe feila lükün ewe telinimw won ekewe al me ünükün ekewe tit o pese ngeni ekewe aramas pwe repwe feito, pwe imwei epwe ur.

Lukas 14:23 Iomraidhean Croise

Kölfel 110:3

Lon ränin om kopwe maun ngeni chon oputom noum aramas repwe etuk fän püsin letiper o üföüf ekewe üf mi pin. Usun amurenipwin mi nom lesosorusich, iei usun noum kewe alüal repwe feito reöm.

Kölfel 98:3

A chechemeni an tong ellet me an allükülük ngeni chon Israel. Aramasen fanüfan meinisin ra küna usun än Kot amanaua aramas.

Aisea 11:10

Lon ena fansoun epwe fis pwe ewe king mi fö seni mwirimwirin Tafit epwe ütä usun chök efoch asisil fän iten chon ekewe mwü meinisin. Iwe, repwe chufengen lon telinimwan mi ling o asamolu.

Aisea 27:13

Iwe, lon ena fansoun efoch rappwa epwe pu pwe epwe köri chokewe mi oola lon ewe fanü Asiria me ewe fanü Isip, pwe repwe liwinsefäl. Repwe feito o fel ngeni ewe Samol mi Lapalap won ewe chuk mi pin lon Jerusalem.

Malakai 1:11

Pun seni ewe ia akkar a töta me ie tori ewe ia a tuputiu me ie chon ekewe mwü ra asamolu itei. Ekis meinisin ra eäni asor apach mi pwokus ngeniei, eu asor mi limöch. Pun chon ekewe mwü ra asamoluei.

Mateus 21:43

Iei mine üpwe ürenikemi, pwe Kot epwe angei senikemi Mwün we o ngeni eu mwichen aramas mi awora ua ren ar föri föför mi pwüng.

Mateus 5:41

Are eman sounfiu epwe arianuk pwe kopwe uwei pisekin lon ükükün eu mail, kopwe fen etala ruu mail.

Lukas 14:22

Mürin ewe chon angang a üreni, ‘Ai samol, mine ka allük ngeniei a pwönüetä. Nge a chüen wor leni.’

Lukas 14:24

Pun üa ürenikemi, pwe esap eman ätekewe mi kö repwe neni mongön ai kametip.’”

Lukas 24:29

Nge ir ra fokun pesei o tüngor ngeni, “Kose mochen kopwe nonom rem, pun a lekuniolula, nge epwe le pwinituk.” Iei mine a tolong lon imwer pwe epwe nonom rer.

Föför 16:15

Mürin än neminei me chon leimwan papatais a tüngor ngenikem, “Oupwe feito o nonom lon imwei are oua ekieki pwe ngang eman chon enletin lükü ach Samol.” Iwe, a pesekem pwe aipwe feila lon imwan.

Föför 18:6

Nge lupwen ekewe chon Juta ra ü ngeni Paulus o apasatä kapas mi ngau usun i, Paulus a pölüeniir ren an wichikala pwülün üfan o üreniir, “Are ämi oua pöütmwälila, püsin tipisimi, nge sap tipisi! Seni ikenai üpwe feila ren ekewe chon lükün Israel.”

Föför 28:28

Iei mine ngang üa mochen pwe ämi oupwe silei, pwe än Kot kapasen manau a tori ekewe chon lükün Israel o ir repwe aüselinga.”

Föför 9:15

Nge ach Samol a üreni Ananias, “Kopwe feila, pun ei mwän üa filätä pwe epwe angang ngeniei, epwe asilefeili itei ngeni chon lükün Israel, ngeni ekewe king pwal ngeni chon Israel.

Nöün Paulus Toropwe ngeni ekewe Souläng lon Rom 10:18

Nge üa ais: Mi enlet pwe resap rongorong ewe kapas? Ewer, ra rongorong! Pun iei usun mine a mak lon ekewe Toropwe mi Pin, “Mwelier a chöfetal won unusen fanüfan, ar kapas a tori lesopun fanüfan.”

2. Korint 5:11

Äm aia silei usun ach niuokusiti ach Samol, iei mine aia sotuni le pese ngeni aramas ar repwe etiwa ewe Pworausen Manau. Kot a wesewesen silekem, nge ngang üa apilükülüköch pwe ämi oua pwal sileei lon letipemi.

2. Korint 5:20

Iei mine äm aia chon arong fän iten Kraist usun itä nge Kot a nöünöü äm le tüngor ngenikemi. Äm aia tüngormau ngenikemi fän iten Kraist: Oupwe chäfengen me Kot.

2. Korint 6:1

Iwe, lon äm angangfengen me Kot, aia tüngormau ngenikemi, pwe ousap alomotongauei än Kot ümöümöch oua angei.

Kolose 1:23

Nge ämi oupwe fokun sopwela lon ämi lükülük won eu longolong mi pöchökül o nüküchar, ousap fokun mwöküt seni ewe apilükülüköch oua angei lupwen oua rongorong ewe Pworausen Manau. Iei ewe Pworausen Manau aramas ra arongafeili ngeni aramas meinisin won fanüfan, ngang Paulus üa pwal eman chon angang ngeni.

Kolose 1:28

Iei mine sia arongafeili Kraist ngeni aramas meinisin. Sia fönöör o asukuler ren sokun tipachem meinisin, pwe sipwe emwenato eman me eman mwen Kot fän ar unusöch lon Kraist.

2. Timoty 4:2

pwe kopwe afalafala ewe Kapasen Kot. Kopwe achocho ngeni om kopwe arongafeili ewe Kapas, ese lifilifil ika lon fansoun öch ika lon fansoun ese öch. Kopwe föri ewe angangen fön, apwüng me apöchöküla manauen souläng lupwen ka föri ewe angangen asukul fän mosonotam.