Lukas 14:21 - Chuukese Bible

²¹ “Iwe, ewe chon angang a liwinsefäliti an we masta o apworausa ngeni meinisin mine a fis. Mürin ewe masta a fokun lingeringer o üreni nöün we chon angang, ‘Kopwe müttir le feila ngeni ekewe alelap me ekewe alekis lon ewe telinimw o emwenato ekewe chon mwelele, ekewe chon ter, ekewe chon chun me ekewe chon pechemä.’

Lukas 14:21 Iomraidhean Croise

Kölfel 2:12

Oupwe mitiri ewe nau pwe esap song, nge ämi ousap mäfeiengau. Pun a müttir fis an song. Ra feiöch ir meinisin mi eäni i lenien op.

Kölfel 38:7

Üa samaun pwichikar, esap fokun wor pöchökülen inisi.

Aisea 33:23

Iwe, selin war resap mei, resap tongeni anüküöchü ewe öü lon lenian, resap pwal tongeni aürätä ewe amara. Äm aipwe ineti liapem mi chomong seni maun, pwal mwo nge chon pechemä repwe uweela liaper.

Aisea 35:6

chon pechemä repwe mwetemwet usun eman chia, nge ekewe chon awemwöch repwe köl fän mweireir. Pun lenien koluk repwe mökküla lon fanüpwas, nge chanpupu repwe pupu lon fanüapö.

Jeremaia 5:1

Oupwe akaliwin won ekewe alen Jerusalem, oupwe nenefetal o katol. Oupwe ouwasacha ekewe lenien amwicheich, are oupwe tongeni küna eman chök aramas mi föri mine a pwüng o kütta mine a wenechar, pwe ewe Samol mi Lapalap epwe amusala än chon ei telinimw tipis.

Sekaraia 11:11

Iei usun ewe pwon a tala lon ewe rän. Nge ekewe chon kamö me amömö sip mi nenengeniei ra silei pwe iei alon ewe Samol mi Lapalap.

Sekaraia 11:7

Iwe, ngang eman mi wisen masa ewe pwiin sip mi amol ngeni ar repwe ninnila fän iten chokewe mi kamö o amömöla sip. Iwe, üa angei ruofoch wok, efoch üa aita ngeni Ümöümöch, nge ewe efoch üa aita ngeni Tipeeufengen. Iwe, üa foleni ekewe sip.

Mateus 11:28

Oupwe feito rei ämi meinisin mi weiresikis o uwochou, ngang üpwe asösökemi.

Mateus 11:5

Ekewe mi mesechun ra küna mwer, ekewe mi pechemä ra fetal, ekewe mi üriir rupun pwötür ra chikarsefäl, ekewe mi selingepin ra rongorong, ekewe mi mäla ra manauatä, ekewe mi wöüngau ra rongorong afalafalen ewe Pworaus Allim.

Mateus 15:12

Mürin ekewe chon kaiö ra feito ren Jesus o üreni, “Ka silei pwe ekewe Farisi ra chou ren mine ka apasa?”

Mateus 18:31

Lupwen chiechian kewe chon angang ra küna met a fis, ra fokun weires ren. Ra feila ren ewe king o apworausa ngeni meinisin.

Mateus 20:7

Ra pölüeni, ‘Esap wor eman a mönikem.’ Iwe, a üreniir, ‘Oupwe pwal feila o angang lon ewe tanipin wain.’

Lukas 14:13

Nge lupwen ka föri eu kametip, kopwe köri ekewe chon mwelele, ekewe chon ter, ekewe chon pechemä me ekewe chon chun.

Lukas 14:20

Nge pwal eman a apasa, ‘Üa kärän angei eman pwülüei, iei mine üsap tongeni feila.’

Lukas 14:22

Mürin ewe chon angang a üreni, ‘Ai samol, mine ka allük ngeniei a pwönüetä. Nge a chüen wor leni.’

Lukas 14:24

Pun üa ürenikemi, pwe esap eman ätekewe mi kö repwe neni mongön ai kametip.’”

Lukas 24:47

Ren itan oupwe afalafala chon ekewe mwü meinisin, pwe repwe ekieksefäl, pwe Kot epwe amusala ar tipis, nge oupwe popuetä lon Jerusalem.

Lukas 9:10

Iwe, ekewe soukünö ra liwinsefäl o apworausa ngeni Jesus meinisin mine ra föri. Iwe, Jesus a emweniirela ngeni ewe telinimw Petsaita.

Johannes 9:39

Iwe, Jesus a üreni, “Üa feito lon fanüfan pwe üpwe eäni apwüng, pwe chokewe mi chun repwe küna mwer, nge chokewe mi küna mwer repwe chun.”

Ipru 13:17

Oupwe aleasochisi nöümi kewe souemwen o föri mine ra allük ngenikemi. Ra mamasa ngünümi fansoun meinisin, pun ra wisen pwäri ngeni Kot usun mine ra föri lon ar angang. Are oua aleasochisiir, repwe föri ar angang fän pwapwa, nge are oua lükümach, repwe föri ar angang fän letipeta. Ren ei ousap feiöch ren.

Ipru 2:3

Epwe ifa usun ach sipwe tongeni sü seni ach küna liwiningau are sisap aüseling ngeni ekewe kapas usun ach küna manau mi fokun aüchea. Ewe Samol a akomwen asile ngeni aramas usun ei küna manau, nge chokewe mi rongorong ngeni ra alletätä ngenikich pwe a let.

James 2:5

Ämi pwii kana mi achengicheng, oupwe aüseling! Ifa usun, Kot esap filätä ekewe aramas mi wöüngau won ei fanüfan pwe repwe pisekisek lon ar lükülük o feiöchüni feiöchün ewe Mwün Kot, i a pwon ngeni chokewe mi echeni?

Pwärätä 19:15

Seni lon awan a itiwu efoch ketilas mi ken, pwe epwe nöünöü le akufu chon ekewe mwü. Epwe nemeniir ren efoch wokomächä, epwe puri ekewe uän wain lon ewe lenien üchüch, wewen ei, än Kot, ewe mi Unusen Manaman, lingeringer mi fokun afeiengau.

Pwärätä 22:17

Iwe, Ngünmifel me ewe Fin apwüpwülü söfö ra apasa, “Etto!” Ir meinisin mi rongorong ekei kapas repwe apasa, “Etto!” Iwe, iö mi kaka epwe etto, nge iö a mochen epwe ünümi ewe kolukun manau, nge esap möni, epwe etto.

1. Samuel 2:8

A aütai ekewe chon wöüngau seni lon pwül, a ekiewu chon mwelele seni lon ewe ioien falang, a amoteer ren ekewe samol o alenier won än chon iteföüla lenien mot. Pun ekewe longolongun fanüfan än ewe Samol mi Lapalap. I a aüetä fanüfan wor.

1. Samuel 25:12

Iei mine nöün Tafit kewe alüal ra kul, ra liwinla o apworausa ngeni Tafit ekei kapas.