Lukas 14:18 - Chuukese Bible

¹⁸ Nge ir meinisin ra popuetä le künetipingen, eman mürin eman. Ewe aemanün a üreni ewe chon angang, ‘Üa fen möni eu fanü, nge iei üpwe feila o nenengeni. Kose mochen kopwe amusaeila.’

Lukas 14:18 Iomraidhean Croise

Jeremaia 6:10

Nge üa apasa, “Iö üpwe fos ngeni o eäni kapasen fön ngeni? Iö epwe rongorong? Nengeni, ra pineela selinger pwe resap mochen rongorong om kapas. Ra takiri mine ka akünö ngeniei pwe üpwe üreniir.

Lukas 14:17

Lupwen a tori fansoun ewe kametip, a tinala nöün kewe chon angang pwe repwe asile ngeni ekewe chon kökköto, ‘Oupwe etto, a molotä meinisin.’

Lukas 14:19

Pwal eman a apasa, ‘Üa fen möni engol kow, nge iei üpwe feila o sotuniir. Kose mochen kopwe amusaeila.’

Lukas 18:24

Iwe, lupwen Jesus a küna pwe a letipeta, a apasa, “A men fokun weires ngeni ekewe aramas mi pisekisek ar repwe tolong lon Mwün Kot.

Lukas 8:14

Ekewe pwükil mi mworotiu lein ekewe iräfölüföl ra wewe ngeni chokewe mi rong kapasen Kot, nge öürek me wöün fanüfan, pwal pwapwan ei manau ra tolong lon leluker o amopu ewe kapas, pwe uar esap tongeni mau.

Johannes 1:11

A tori fanüan, nge aramasan resap etiwa.

Johannes 5:40

Nge ämi ousap mochen feito rei pwe oupwe eäni ewe manau.

Filipi 3:4

Ewer, ngang üa tongeni anomu ai apilükülük won ena sokun lapalap. Are eman a ekieki pwe mi wor popun an epwe tongeni anomu an apilükülük won ei sokun lapalap, ngang won inisi a fen wor rei ekoch popun mi watte:

2. Timoty 4:10

Pun Temas a echeni ei fanüfanen ikenai, a likitiei o feila Tesalonika. Kresens a feila Kalatia o Titus a feila Talmatia.

2. Timoty 4:4

Repwe kul seni ar aüseling ngeni ewe kapas mi let, nge repwe aüseling ngeni ekewe tutulap.

Ipru 12:16

Esap pwal wor eman epwe föri föförün lisowu ika sufölingau ngeni Kot usun chök Esau, pun a amömöla wisan wisen mwänichi ren eu chök mongö.