Lukas 14:11 - Chuukese Bible

¹¹ Pun eman aramas mi püsin atekiatä, epwe tekisonotiu, nge eman mi püsin atekisonatiu, epwe tekiatä.”

Lukas 14:11 Iomraidhean Croise

2. Samuel 22:28

Ka angasa aramas mi tipetekison, nge chokewe mi lamalamtekia ka atekisoneretiu.

Ester 6:10

Mürin, ewe king a üreni Haman, “Kopwe müttir angei ekewe üf me ewe oris o föri usun mine ka fen apasa, nge kopwe föri ngeni Mortokai ewe re Juta, ätewe mi mot lon asamalapen imwei. Kosap likiti och, pwe kopwe föri meinisin mine ka fen apasa.”

Hiop 22:29

Pun Kot a atekisona ekewe chon lamalamtekia, Nge a amanaua chokewe mi tekison.

Kölfel 138:6

Inamwo ika ka fokun tekia, ka afäli ekewe chon tekison. Nge ka silleni ekewe chon lamalamtekia me toau.

Kölfel 18:27

Ka angasa aramas mi tipetekison, nge chokewe mi lamalamtekia ka atekisoneretiu.

Än Salomon Fos 15:33

Ach niuokusiti ewe Samol mi Lapalap iei alen ach kaiö tipachem, nge ach sipwe atipetekisonakich, a iei akomwen ach angei iteüöch.

Än Salomon Fos 18:12

Eman aramas a lamalamtekia mwen feiengau epwe tori, nge tipetekison a akom mwen iteüöch.

Än Salomon Fos 25:27

Esap öch om kopwe ünümi chomong chönün chunen, esap pwal öch om kopwe püsin kütta watten iteüöchum.

Än Salomon Fos 29:23

Eman aramas mi lamalamtekia epwe küna tekison, nge eman aramas mi tekison epwe küna iteüöch.

Aisea 2:11

Lon ena rän chon tipetekia repwe küna tekison, än aramas lamalamtekia epwe kisikisitiu, nge ewe Samol mi Lapalap chök epwe tekia.

Aisea 2:17

Lon ena rän chon tipetekia repwe küna tekison, än aramas lamalamtekia epwe kisikisitiu, nge ewe Samol mi Lapalap chök epwe tekia.

Aisea 57:15

Pun iei alon Ewe mi Unusen Tekia, ewe mi manau tori feilfeilachök, itan Ewe mi Pin, “Ngang üa imweimw lon eu leni mi pin o tekia, pwal ren eman mi luketatakis o tipetekison, pwe üpwe amanaua ngüngün chon tipetekison o apöchöküla leluken chon liamam.

Mateus 23:12

Pun iö a püsin atekiatä epwe tekisonotiu, nge iö a püsin atekisonatiu epwe tekiatä.

Lukas 1:51

A aitiewu pöün mi manaman o atoropasa chokewe mi lamalamtekia lon ar ekiek kana.

Lukas 1:52

A asapwilatiu ekewe king mi wor maner seni ar lenien motun king o atekiatai ekewe chon tekison.

Lukas 14:12

Mürin Jesus a üreni ewe mwän mi köri, “Lupwen ka föri eu mongön leoloas are lekuniol, kosap köri chiechiom kewe ika pwiüm kewe ika aramasom kewe ika chon arum kewe mi pisekisek, pun mürin repwe pwal kökköruk o aliwini ngonuk mine ka fen föri ngeniir.

Lukas 18:14

Jesus a apasa, “Üpwe ürenikemi, ei chon ioni takises a küna pwüng fän mesen Kot lupwen a liwinla lon imwan, nge sap ewe Farisi. Pun iö a püsin atekiatä epwe küna tekison, nge iö a püsin atekisonatiu epwe küna tekia.”

James 1:9

Eman souläng mi wöüngau epwe fokun pwapwa lupwen Kot epwe atekiatä.

James 4:10

Oupwe püsin atekisonakemi mwen mesen ach Samol, iwe, i epwe atekiakemiitä.

James 4:6

Nge Kot a awattei ngenikich an ümöümöch. Iei mine a mak lon ekewe Toropwe mi Pin, “Kot a ü ngeni ekewe chon lamalamtekia, nge a ümöümöch ngeni ekewe chon tipetekison.”

1. Petrus 5:5

Ina usun pwal ämi alüal kana, oupwe aleasochisi ekewe chinlap. Ämi meinisin oupwe fokun eäni tipetekison lon ämi alilisfengen lefilemi. Pun a mak lon ekewe Toropwe mi Pin, “Kot a ü ngeni chon lamalamtekia kana, nge a ümöümöch ngeni chon tipetekison kana.”

1. Petrus 5:6

Iei mine oupwe atekisonakemi fän pöün Kot mi manaman, pwe epwe atekiakemi lon an fansoun mi fich.

1. Samuel 15:17

Iwe, Samuel a üra, “Lupwen ka ekieki usum pwe ka tekison, Kot a seikukutä won ekewe ainangen Israel. Ewe Samol mi Lapalap a epituk pwe kopwe king lon Israel.