Lukas 13:5 - Chuukese Bible

⁵ Apwi, sap ina! Nge üpwe ürenikemi, pwe are ämi ousap aier seni ämi tipis, oupwe pwal mäla ämi meinisin usun chök ir.”

Lukas 13:5 Iomraidhean Croise

Isikiel 18:30

Iei mine ngang Kot ewe Samol mi Lapalap üa apasa: Üpwe apwüngükemi chon Israel, iteiten eman me eman won ükükün an föför. Oupwe ekieksefäl o ükütiu seni ämi föför mi ngau, pwe ämi kewe tipis resap afeiengauakemi.

Lukas 13:3

Apwi, sap ina! Üpwe ürenikemi, pwe are ämi ousap aier seni ämi tipis, oupwe pwal mäla ämi meinisin usun chök ir.

Lukas 13:4

Are ifa usun, ekewe engol me waluman aramas mi mäla, lupwen ewe imw tekia lon Siloam a turutiu wor? Oua ekieki, pwe ir ra kon tipis lap seni ekewe aramas meinisin mi nom lon Jerusalem?

Lukas 13:6

Mürin Jesus a üreniir ei pworausen awewe: “A wor eman mwän mi wor efoch an irä fiik, a märitä lon an tanipin wain. Iwe, a feila pwe epwe nengeni are a ua, nge esap küna och.