Lukas 13:34 - Chuukese Bible

³⁴ “Ämi chon Jerusalem, ämi chon Jerusalem, oua niela ekewe soufos o monei fau ngeni ekewe chon künö Kot a tiniireto remi. Fän chomong üa mochen achufengeni nöümi aramas, usun eman chuko a achufengeni nöün fan pöükässin, nge ämi ousap mochen.

Lukas 13:34 Iomraidhean Croise

Nehemia 9:26

Iei mwo nge noum kewe aramas ra chök lükümach o ü ngonuk, ra pöütala om allük lükisökürür o niela noum kewe soufos mi fönöör pwe repwe kulsefälituk, ra pwal fokun turunufaseek.

Nehemia 9:30

Chomong ier ka mosonotam ngeniir, ka ngeni noum kewe soufos Ngünum pwe repwe tongeni fönöör, nge resap mochen aüselinga. Iei mine ka atolongeer fän nemenien ekoch mwü.

Kölfel 149:2

Chon Israel repwe pwapwa ren ewe chon föriir. Ekewe aramasen Sion repwe mwänek ren ar king.

Kölfel 17:8

Kopwe tümwünüei usun chök fituken lon mesom, kopwe aopaei fän nürün poum,

Kölfel 36:7

Ai Kot, om tong ellet a fokun aüchea. Aramas meinisin ra op fän nürün poum.

Kölfel 57:1

Kopwe ümöümöch ngeniei, ai Kot, kopwe ümöümöch ngeniei, pun üa eänuk lenien op. Üa op fän nürün poum, tori ewe mölümölün feiengau a feil seniei.

Kölfel 81:13

Amwo nei aramas repwe aüselinga aloi, amwo chon Israel repwe aleasochisiei.

Kölfel 91:4

epwe pwölü ngonuk pöün kewe pwe kopwe op fan. An allükülük epwe tümwünuk o epeti senuk feiengau.

Aisea 30:15

Iei alon Kot ewe Samol mi Lapalap, Ewe mi Pin lon Israel, “Oupwe küna manau ren ämi liwinsefäl ngeniei me ämi asösö rei, oupwe pwal küna pöchökül ren ämi mosonotam me ämi lükülük. Nge ämi ousap mochen.

Aisea 50:2

Pwota esap wor eman a nom, lupwen üa feito? Pwota esap wor eman a päpälü, lupwen üa kökkö? Ifa usun, pei a mochomoch pwe üsap tongeni amanauakemi? Ifa usun, esap wor ai tufich pwe üpwe tongeni angasakemi? Üa apwasatä matau ren ai kapasen fön, üa pwal awili chanpupu ngeni fanüapö, pwe ikenen lon ra mäla o pwongau pokiten esap wor koluk.

Jeremaia 2:30

Esor lomoten ai apwüngükemi, pun ousap mirit ren. Usun eman laion mi kütta ochan, iei usun ämi oua niela nöümi kewe soufos.

Jeremaia 26:23

Iwe, ra turufi Uria me lon Isip o emwenala ren ewe king Jehoiakim. Ätei a niela Uria o moneela somän lon lenien peiasen ekewe aramas kis.)

Jeremaia 35:14

Iwe, Jonatap nöün Rekap we mwän a allük ngeni nöün kewe mwän pwe resap ün wain. Ir ra tümwünü ei allük, pun resap ün wain tori ikenai pokiten ar aleasochisi än semelaper we allük. Ngang üa kapas ngenikemi fän chomong, nge ämi ousap aleasochisiei.

Jeremaia 35:17

Iei mine ngang ewe Samol mi Unusen Manaman, ewe Koten Israel üa apasa: Üpwe awarato womi, ämi chon Juta me chon Jerusalem, ekewe feiengau meinisin üa fen apwüngawu ngenikemi. Üpwe föri ei, pokiten üa fen kapas ngenikemi, nge ousap aüseling, üa fen kökkörikemi, nge ousap päpälüen.”

Jeremaia 6:16

Iei alon ewe Samol mi Lapalap, “Oupwe ütä ünükün ekewe al o katol, oupwe ais usun ekewe alen lom ifan ewe al mi mürina. Oupwe fetal won o küna kinamwe.” Nge ir ra apasa, “Äm aisap mochen fetal won.”

Kölün kechü 1:16

Üa kechü pokiten ekei mettoch, chönün mesei a fokun watte supun. Esap wor eman a nom pwe epwe achipaei, esap wor eman a apöchöküla lelukei. Nei kewe ra fokun riaföü, pun ewe chon oputaei a akufuei.

Kölün kechü 4:13

Ei a fis pokiten än nöün Jerusalem kewe soufos tipis, pwal pokiten än nöün kewe souasor föföringau. Ir chokewe mi niela ekewe chon pwüng.

Osea 11:2

Nge lupwen üa alapala ai kökköriir, ir ra chök alapala ar feila seniei. Nei aramas ra asor ngeni ekewe anü Paal o keni apach mi pwokus ngeni ekewe uluulun anümwäl.

Osea 11:7

Nei aramas ra oucho le kul seniei. Inamwo ika ra siö ngeniei, üsap fokun angaseer.

Sowel 2:23

Oupwe mwänek, ämi aramasen Sion, oupwe pwapwa ren mine ewe Samol mi Lapalap ämi we Kot a föri. A fang ngenikemi üttomong o apüngätiu womi ütten lefen me ütten leres usun chök me mwan.

Sekaraia 1:4

Ousap apirü ämi kewe lewo. Ekewe soufos me lom ra üreniir fän aloi pwe repwe ükütiu seni ar kewe lapalapangau me föför mi ngau. Nge ir resap aüselinga ika aleasochisiei. Ngang ewe Samol mi Lapalap üa kapas.

Mateus 22:3

A tinala nöün kewe chon angang ar repwe asile ngeni ekewe chon kökköto, pwe repwe feito fiti ewe kametip. Nge ir resap mochen feito.

Mateus 22:6

nge pwal ekoch ra turufi ekewe chon angang, ra wichiir o niirela.

Lukas 15:28

Iwe, ewe mwänichi a fokun song, pwe esap mochen tolong lon ewe imw. Iei mine saman we a towu ren o tüngormau ngeni pwe epwe tolong.

Lukas 19:44

Repwe unusen ataakola o niela ekewe aramas mi nonom lon tittum kewe. Esap wor eföü fau epwe chüen nom lon lenian, pun kosap mefi ewe fansoun lupwen Kot a feito pwe epwe amanauok.”

Lukas 23:28

Nge Jesus a sap ngeniir o üreniir, “Ämi fin Jerusalem! Ousap kechüeitiei, nge oupwe püsin kechüeitikemi me nöümi kana.

Föför 7:52

Ifa usun, mi wor eman soufos ämi kewe lewo resap ariaföüü? Ra niela nöün Kot kewe chon künö, chokewe ra arongato me lom usun waren nöün Kot we Chon Angang mi pwüng. Iwe, iei ämi oua afangamä i o niela.

Föför 7:59

Iwe, lupwen ar momonei Stefanus ngeni fau, i a kökkö lon an iotek ngeni ewe Samol, “Ai Samol Jesus, kopwe etiwa ngüni!”

Föför 8:1

Iwe, Saul a fokun tipeeu ngeni ar niela Stefanus. Lon ena chök rän chon ewe mwichefel lon Jerusalem ra tolong lon watten riaföü. Ekewe souläng meinisin ra toropasfeil lon unusen ewe fanü Jutea me Samaria, chilon chök ekewe soukünö.

Tuteronomi 32:29

Are epwe wor ar tipachem, repwe wewe ren o ekieki usun sopolar.

Tuteronomi 5:29

Amwo leluker epwe iei chök usun iteiten fansoun, pwe repwe meninitiei o aleasochisi ai kewe allük meinisin, pwe repwe feiöch me mwirimwirir tori feilfeilachök.

Pwärätä 11:8

nge somäär repwe nom won alen ewe telinimw watte, ia ar we Samol a iräpenges ie. Iten ei telinimw lon kapasen awewe Sotom me Isip.

Rut 2:12

Ewe Samol mi Lapalap epwe liwini ngonuk meinisin mine ka föri, nge liwinum epwe unus me ren ewe Samol mi Lapalap ewe Koten Israel, ewe ka feito ren pwe kopwe op fän pöün.”