Lukas 13:33 - Chuukese Bible

³³ Inamwo ei, nge üpwe chök sopwela ai sai ikenai, lesor pwal sorotän lesor. Pun esap pwüng ngeni eman soufos an epwe ninnila ekis, pwe lon Jerusalem chök.

Lukas 13:33 Iomraidhean Croise

Mateus 20:18

Iwe, a üreniir, “Oupwe rongorong. Ousipwe feitä Jerusalem. Nge ikenan Nöün Aramas epwe tolong lepöün ekewe souasor mi lap me ekewe Sensen Allük. Repwe apwüngü pwe epwe mäla,

Mateus 21:11

Ekewe aramas ra pölüeni, “Iei i ewe soufos Jesus seni Nasaret lon Kalilea.”

Lukas 9:53

Nge ekewe aramas lon ewe leni resap mochen etiwa, pun ra silei pwe a nom won an sai ngeni Jerusalem.

Johannes 11:54

Iei mine Jesus esap chüen saifetal lon Jutea le pwäpwäla lein ekewe chon Juta, nge a feila ngeni eu leni arap ngeni ewe fanüapö lon eu telinimw itan Efraim. A nonom ikenan fiti nöün kewe chon kaiö.

Johannes 11:9

Jesus a pölüeniir, “Ifa usun, esap wor engol me ruu awa lon eu rän? Eman aramas mi fetal lerän esap chepetek, pun a küna saramen ei fanüfan.

Johannes 12:35

Mürin Jesus a pölüeniir, “Ewe saram epwe nonom remi ekis chök fansoun mochomoch. Oupwe fetal lon ewe saram me mwen ewe rochopwak epwe torikemi. Pun eman aramas mi fetal lon rochopwak esap silei ia epwe feila ie.

Johannes 4:34

Jesus a üreniir, “Anei mongö ai üpwe aleasochisi letipen ewe mi tiniei o awesala ewe angang a awisa ngeniei pwe üpwe föri.

Johannes 9:4

Lupwen a chüen rän, üpwe fokun föri angangen ewe mi tinieito. Pwin epwe war lupwen esap wor eman a tongeni angang lon.

Föför 10:38

Oua silei usun Jesus Kraist seni Nasaret, pwal usun än Kot tinatiu won ewe Ngünmifel o ngeni an manaman. A fetalfeil ekis meinisin, a föri föför mürina o apöchöküla meinisin mi nom fän nemenien ewe Tefil, pun Kot a eti.

Föför 13:27

Pun ekewe aramas mi nom lon Jerusalem me nöür kewe souemwen resap silei pwe i ewe Chon Amanau, resap pwal weweiti kapasen ekewe soufos ra aleani iteiten ekewe ränin sapat. Nge lupwen ra atipisi Jesus, ra apwönüetä alon ekewe soufos.