Lukas 13:29 - Chuukese Bible

²⁹ Aramas repwe feito seni ötiu me lotou, pwal seni efeng me ör o mot ngeni ewe kametip lon Mwün Kot.

Lukas 13:29 Iomraidhean Croise

Keneses 28:14

Iwe, mwirimwirum repwe chomong usun chök pwülmoromoren fanü. Oupwe chonifetalei ewe fanü tori lotou me ötiu, pwal tori efeng me ör. Iwe, chon ekewe mwü meinisin won fanüfan repwe feiöch me reöm me mwirimwirum kana.

Aisea 43:6

Iwe, üpwe apasa ngeni efeng, ‘Kopwe aliwinireto,’ üpwe pwal apasa ngeni ör, ‘Kosap amwöchüür.’ Oupwe aliwinato nei kewe alüal seni ekewe fanü mi toau, pwal nei kewe föpwül seni lesopun fanüfan.

Aisea 49:6

Iwe, a apasa, “Kosap nei chök chon angang mi wisen achufengeni chon ekewe ainangen Israel o aliwinato chokewe mi chüen manau me leir. Nge üpwe pwal föri pwe kopwe eu saram fän iten chon ekewe mwü, pwe chon fanüfan meinisin repwe küna manau.”

Malakai 1:11

Pun seni ewe ia akkar a töta me ie tori ewe ia a tuputiu me ie chon ekewe mwü ra asamolu itei. Ekis meinisin ra eäni asor apach mi pwokus ngeniei, eu asor mi limöch. Pun chon ekewe mwü ra asamoluei.

Mateus 8:11

Üpwe ürenikemi, pwe chomong aramas repwe feito seni ötiu me lotou o mot arun chepel ren Apraham, Isaak me Jakop lon ewe kametip lon Mwün Läng.

Markus 13:27

Mürin epwe tinala ekewe chon läng lepelien fanüfan me rüanü, pwe repwe achufengeni nöün kewe chon fil seni lesopun fanüfan tori lesopun.

Lukas 13:30

Ewer, chokewe mi kükümwir lon ei fansoun repwe akom, nge chokewe mi akom lon ei fansoun repwe kükümwir.”

Föför 28:28

Iei mine ngang üa mochen pwe ämi oupwe silei, pwe än Kot kapasen manau a tori ekewe chon lükün Israel o ir repwe aüselinga.”

Kolose 1:23

Nge ämi oupwe fokun sopwela lon ämi lükülük won eu longolong mi pöchökül o nüküchar, ousap fokun mwöküt seni ewe apilükülüköch oua angei lupwen oua rongorong ewe Pworausen Manau. Iei ewe Pworausen Manau aramas ra arongafeili ngeni aramas meinisin won fanüfan, ngang Paulus üa pwal eman chon angang ngeni.

Kolose 1:6

Ei Pworausen Manau a akatoto feiöch, a chöfetal won unusen fanüfan usun a fen fis lefilemi, seni ewe rän oua kärän popuetä le rongorong o weweöchiti än Kot ümöümöch mi wesewesen enlet.