Lukas 13:27 - Chuukese Bible

²⁷ Nge i epwe ürenisefälikemi, ‘Üsap silekemi ia oua feito me ie. Oupwe feil seniei ämi chon föföringau!’

Lukas 13:27 Iomraidhean Croise

Kölfel 1:6

Pun ewe Samol mi Lapalap a emweni o tümwünü ekewe chon pwüng, nge ekewe aramasangau repwe fetal ngeni ewe lenien feiengau.

Kölfel 101:8

Iteiten lesosor üpwe niela ekewe aramasangau lon ewe fanü, üpwe ärala meinisin mi föri mine a ngau me lon telinimwen ewe Samol mi Lapalap.

Kölfel 119:115

Oupwe sü seniei, ämi chon föri mine a ngau, pwe üpwe aleasochisi än ai Kot kewe allük.

Kölfel 125:5

Nge chokewe mi rikila ngeni ekewe al mi pwor kopwe asechirela fiti ekewe chon föföringau. Kinamwe epwe nom lon Israel.

Kölfel 28:3

Kosap apwüngüei fitifengen me ekewe aramasangau, pwal fiti chokewe mi föri föför mi ngau, ir mi eäni kapas pwetete ngeni chon arur, nge ra ekiekingau lon leluker.

Kölfel 5:6

Ka arosala chokewe meinisin mi kapas chofana. Ka oput chon niela aramas me chon atupu aramas.

Kölfel 6:8

Oupwe sü seniei, ämi meinisin mi föri föför mi ngau. Ewe Samol mi Lapalap a rongorong ai leüömong le kechü.

Osea 9:12

Nge are epwe fen wor nöür semirit, üpwe angei seniir, tori esap chüen wor eman lusun. Feiengau watte epwe toriir, lupwen üpwe likitirela.”

Mateus 25:12

Ewe mwän apwüpwülü söfö a pölüeniir, ‘Enlet, üpwe ürenikemi, üsap fokun silekemi.’

Mateus 25:41

Mürin epwe üreni chokewe mi nom lepelimöngun, ‘Oupwe feil seniei, ämi chon anümamau, oupwe feila lon ewe ekkei esekun a fen amol fän iten Tefil me nöün chon läng kana!

Lukas 13:25

Iwe, are samolun ewe imw epwe pwätä o öppüngala ewe asam, mürin oupwe ütä lükün o popuetä le fichifich ngeni ewe asam o apasa, ‘Äm samol, kose mochen suki ngenikem ewe asam.’ Nge i epwe pölüenikemi, ‘Ngang üsap silekemi ia oua feito me ie.’

1. Korint 8:3

Nge ewe aramas mi echeni Kot a sil me ren Kot.

Kalatia 4:9

Nge iei oua silei Kot, ika üpwe tongeni apasa, pwe iei Kot a silekemi, pwota oua mochen kulsefäliti ekewe ngün mi apwangapwang o attong? Pwota oua mochen oupwe nomsefäl fän nemenier?

2. Timoty 2:19

Nge ewe longolong mi nükünük Kot a anomu esap tongeni mwökütüküt. A mak won ei longolong ekei kapas: “Ach Samol a silei chokewe ir nöün,” a pwal mak “Iö a apasa pwe i nöün ach Samol epwe fokun kul seni föföringau.”