Lukas 13:19 - Chuukese Bible

¹⁹ A wewe ngeni eföü föün pwükilin irä mi fokun kükün, eman aramas a angei o fotukätiu lon an tanipi. Iwe, ewe föün irä a märitä o wiliti efoch irä, nge machang ra föri faser won palan kana.”

Lukas 13:19 Iomraidhean Croise

Än Salomon Köl 4:12

Kofoti, en mi wor tongom me rei, ka usun chök eu tanipi mi köpüng, ewer, eu tanipi mi köpüng pwal eu puächen koluk mi tittila.

Än Salomon Köl 4:16

Kopwe pwätä asepwälin efeng, etto asepwälin ör. Oupwe eniti tanipii we pwe pwoöchün epwe pwopwonfeil. Amwo ätewe mi wor tongan me rei epwe feito ren tanipin we o mongö seni uän ekewe irä mi mürina.

Än Salomon Köl 6:2

Ätewe mi wor tongan me rei a feila ren tanipin we ia ekewe irän nofitin mongö ra mär ie. Ikenan epwe foleni nöün pwiin sip o fichifich kiop.

Än Salomon Köl 8:13

O en mi wor tongom me rei, ka nonom lon ekewe tanipi, chiechiom kewe ra aüselinga mweliom. Kose mochen üpwe pwal aüselinga mweliom.

Aisea 53:1

Nge iö a lükü ewe pworaus sa aronga? Iö a tongeni küna angangen pöün ewe Samol mi Lapalap?

Aisea 53:10

Iwe, iei letipen ewe Samol mi Lapalap, pwe a kinas o cheuch. Are a fangala manauan pwe eu asor fän iten tipis, epwe wor mwirimwirin, epwe pwal alangatama ränin manauan. Iwe, letipen ewe Samol mi Lapalap epwe fisitä ren.

Aisea 58:11

Iwe, ngang ewe Samol mi Lapalap üpwe emwenuk fansoun meinisin, üpwe pwal ngonuk amötum lon fanüpwas o apöchöküla inisum. Iwe, kopwe usun chök eu tanipi mi nüküchöchön, pwal usun eu puächen koluk esap mor.

Aisea 61:11

Pun usun irä ra pwükütä won fanüfan, pwal usun irä mi fot lon tanipi ra märitä, iei usun Kot ewe Samol mi Lapalap epwe apwükü pwüng me kapasen ingemwar fän mesen chon ekewe mwü meinisin.

Aisea 9:7

Iwe, nemeneman epwe chök wattela, nge mwün epwe chök kinamwe fansoun meinisin. Epwe siwili Tafit lon wisan wisen king o nemeni mwün. Epwe aüetä o apöchöküla mwün ren apwüng me pwüngüöch seni ikenai tori feilfeilachök. Iwe, ewe Samol mi Unusen Manaman epwe tiliken le apwönüetä ei.

Jeremaia 31:12

Iwe, repwe feito o köl fän pwapwa me won ewe chuk Sion, repwe meseik ren ai lifang ngeniir, ren ekewe föün wiich me wain me apüra, pwal ren ekewe nienifön sip me kow. Iwe, repwe usun chök eu tanipi mi atütü ngeni koluk, nge resap chüen aiengau.

Isikiel 31:6

Ekewe machang meinisin ra fas won palan, ekewe mönün lemäl ra nöünöü fan, nge chomong mwü mi tekia ra nonom fän nürün.

Taniel 4:12

Iwe, chön ra mürina, a pwal fokun uamong, pwe a ku ngeni aramas meinisin pwe repwe mongö. Iwe, mönün lemäl ra nom fän nürün, ekewe machang ra fas won palan kewe, nge mönümanau meinisin ra mongö seni.

Taniel 4:21

Iwe, chön ra mürina, a pwal fokun uamong, pwe a ku ngeni aramas meinisin pwe repwe mongö. Iwe, mönün lemäl ra nom fän nürün, machang ra pwal fas won palan kewe.

Sekaraia 2:11

Iwe, lon ewe rän, chomong chon ekewe mwü repwe feito ren ewe Samol mi Lapalap o wiliti nöün aramas. Iwe, i epwe imweimw lefilemi, nge ämi oupwe silei pwe ewe Samol mi Unusen Manaman a tinieito remi.

Mateus 17:20

Jesus a pölüeni, “Pokiten a kisikis ämi lükülük. Enlet üpwe ürenikemi, are epwe wor ämi lükülük mi nönnö ngeni eföü pwükilin irä mi fokun kükün, oupwe tongeni üreni ei chuk, ‘Kopwe mwöküt seni ikei o mwökütüla ikenan,’ iwe, epwe mwöküt. Esap wor och mine ousap tufich ngeni.”

Markus 4:30

Jesus a pwal apasa, “Met sipwe tongeni awewe ngeni ewe Mwün Kot? Are meni sokun pworausen awewe sipwe aea pwe sipwe tongeni awewe ngeni?

Lukas 17:6

Ewe Samol a üreniir, “Are epwe wor ämi lükülük mi wewe ngeni eföü pwükilin irä mi fokun kükün, oupwe tongeni üreni ei irämong, ‘Kopwe üttuketä fiti warom o fotukuketiu le matau,’ iwe, epwe aleasochisikemi.

Föför 2:41

Iwe, chomong me leir ra lükü an afalafal o ra papatais. Lon ewe rän ina epwe ükükün ülüngat ngeröü aramas ra pach ngeni ewe mwichen chon lükü Jesus.

Föför 21:20

Mürin ar rongorong ngeni, ir meinisin ra mwareiti Kot. Mürin ra üreni Paulus, “Pwiim Paulus, ka küna pwe mi wor chomong ngeröün chon Juta ra lükü Jesus, nge ir meinisin ra fokun achocho le apwönüetä ekewe Allük.

Föför 4:4

Nge chomong aramas mi rongorong ngeni ar afalafal ra lükü. Iwe, iteiter fengen meinisin ina epwe ükükün limungeröü mwän.

Nöün Paulus Toropwe ngeni ekewe Souläng lon Rom 15:19

ren pöchökülen ekewe asisil me manaman pwal ren manamanen ewe Ngünün Kot. Iei usun üa sai seni Jerusalem tori Illirikum o arongafeili unusen ewe Pworausen Manau usun Kraist.

Pwärätä 11:15

Mürin ewe afümanün chon läng a ettiki nöün rappwa, iwe, a wor chomong möngüngü mi leüömong lon läng, ra apasa, “Ewe manamanen nemeni fanüfan, iei a nom ren ach Samol me nöün we Messaia. Iwe, epwe nemenem tori feilfeilachök.”