Lukas 13:17 - Chuukese Bible

¹⁷ Iwe, lupwen Jesus a apasatä ekei kapas, ekewe chon ü ngeni meinisin ra säw. Nge ekewe aramas ra fokun pwapwa ren ekewe mettoch mi amwarar Jesus a föri.

Lukas 13:17 Iomraidhean Croise

Kölfel 109:29

Amwo ekewe chon atipisiei repwe pwölüla ren itengau, repwe pwölüla ren püsin ar säw usun ra pwölüla fän echö üf.

Kölfel 111:3

An kewe föför ra fokun ling me manaman, an pwüng a nonom tori feilfeilachök.

Kölfel 132:18

Iwe, üpwe awora säw ngeni chon oputan, nge won möküren ewe mi kepit epwe wor epa mwärämwär mi ling.”

Kölfel 40:14

Amwo meinisin mi mochen nieila repwe säw o tolong lon fitikoko. Amwo chokewe mi tipeni ai üpwe feiengau repwe kulsefäl o itengau.

Ekistos 15:11

Ai Samol mi Lapalap, iö a wewe ngonuk lein ekewe kot? Iö a wewe ngonuk lon om pin mi tekia, pwal lon om föför mi ling o eniwokus me lon om föri manaman?

Aisea 4:2

Lon ena fansoun, ewe irä ewe Samol mi Lapalap a ämärätä epwe fokun öch me ling, nge uän ewe fanü epwe fokun mürina me ling ngeni chokewe mi chüen manau mürin än Israel feiengau.

Aisea 45:24

Iwe, repwe apasa usi, ‘Ren ewe Samol mi Lapalap chök a wor pwüng me pöchökül.’ Iwe, chokewe meinisin mi pälüeni Kot fän song repwe feito ren o küna säw.

Aisea 66:5

Oupwe rongorong alon ewe Samol mi Lapalap, ämi mi niuokusiti o aleasochisi an kapas, “Pokiten ämi allükülük ngeniei, ekoch lein pwimi ra oputakemi o asükemiila. Ra esitakemi o apasa, ‘Ewe Samol mi Lapalap epwe fokun pwärawu an ling o amanauakemi pwe aipwe küna ämi pwapwa.’ Nge fokun ir repwe küna säw.”

Lukas 14:6

Nge ir resap tongeni pölüeni och usun kei kapas.

Lukas 18:43

Lon ewe chök otun ewe mwän a küna mwan, a tapwela mürin Jesus o kilisou ngeni Kot. Lupwen ewe mwichen aramas ra küna ei, ir meinisin ra mwareiti Kot.

Lukas 19:48

nge resap tongeni küna efoch alen ar repwe föri ar we ekiek, pun ekewe aramas ra chök akaüseling ngeni an afalafal, nge resap tümwününgau ngeni an kewe kapas meinisin.

Lukas 20:40

Pun ra niuokus le sopwela ar repwe kapas ngeni won och.

Föför 4:21

Iwe, chon ewe mwichen soupwüng ra fokun pöchökül le eniwer, pwe resap chüen afalafal, mürin ra amuserela. Resap küna och popun mine repwe ariaföüür ren, pun ekewe aramas ra mwareiti Kot ren mine a fis.

2. Timoty 3:9

Nge resap fefeitä lon manauer, pun aramas meinisin repwe küna ar tiparoch. Ina chök usun mine a fis ngeni Jannes me Jampres.

Titus 2:8

Kopwe aea kapas mi pwüng, pwe esap wor eman epwe tongeni esitok. Mürin, ekewe chon oputom repwe säw, pun esap wor och kapas mi ngau repwe tongeni apasatä usuch.

1. Petrus 3:16

nge oupwe kapas ngeniir fän pwetete me menin. Oupwe tümwünü pwe esap wor mengiringirin letipemi, pwe chokewe mi kapas ingau usun ämi föför mürina pokiten oua tapwela mürin Kraist, repwe säw ren ar kapasen esitakemi.