Lukas 13:14 - Chuukese Bible

¹⁴ Nge ewe nöüwisen ewe imwen felikis a chou, pwe Jesus a apöchökülätä ewe fefin lon ewe ränin sapat. Iei mine a üreni ekewe aramas, “A wor wonu ränin ach sipwe föri ach angang lon. Oupwe feito lon ekei rän pwe oupwe küna pöchökül, nge sap lon ränin sapat.”

Lukas 13:14 Iomraidhean Croise

Ekistos 20:9

Wonu rän kopwe akangang o föri om angang meinisin.

Ekistos 23:12

Iwe, lon wonu rän oupwe föri ämi angang, nge lon ewe afisuen rän oupwe asösö. Pun nöümi kow me nöümi aas repwe asösö, pwal nöümi amanau mi uputiu lon imwemi me ekewe chon ekis mi angang ngenikemi repwe ngasatä.

Isikiel 20:12

Üa pwal ngeniir ai kewe ränin sapat pwe eu asisil lefilei me ir, pwe repwe silei pwe ngang ewe Samol mi Lapalap üa apiniir.

Isikiel 34:21

Ämi oua etia ren möküremi me lepekimi ekewe mi apwangapwang, oua pwal pureer ren mächämi tori ra toropasfeil ekis meinisin.

Lifitikos 23:3

Lon ükükün wonu rän oupwe angang, nge ewe afisuen rän eu ränin sapat ränin asösö mi pin, eu fansoun mwich mi pin. Ousap föri och angang lon, pun eu ränin sapat fän iten ewe Samol mi Lapalap lon leniemi meinisin.

Mateus 12:2

Nge lupwen ekewe Farisi ra küna ei, ra üreni Jesus, “Nengeni, noumw kewe chon kaiö ra föri mine esap pwüng lon allükün ach lamalam lon ränin sapat!”

Markus 5:22

Mürin Jairus eman meilapen imwen felikis a feito. Iwe, lupwen a küna Jesus, a chapetiu arun pechen

Lukas 6:11

Nge ekewe Farisi me Sensen Allük ra fokun song o ra popuetä le pwüngüpwüngfengen lefiler usun mine repwe föri ngeni Jesus.

Lukas 6:7

Iwe, ekoch Sensen Allük me Farisi ra kütta eu popun pwe repwe tongeni atipisi Jesus, iei mine ra mamasafichi are epwe apöchöküla ewe mwän lon ewe ränin sapat.

Lukas 8:41

Mürin eman mwän itan Jairus a feito, ätei i eman nöüwis lon imwen felikis lon ewe leni. A chapetiu arun pechen Jesus o tüngormau ngeni an epwe eti le feila lon imwan,

Föför 13:15

Mürin ar aleani seni än Moses kewe Allük me ekewe puken soufos, ekewe meilapen ewe imwen felikis ra tini eman an epwe üreniir, “Ämi pwiim kana, are a wor ämi afalafalen apöchöküla ekei aramas, oupwe kapas.”

Föför 18:17

Mürin ir meinisin ra turufi Sostenes, ewe samolun imwen felikis, o wichi mwen ewe lenien kapwüng. Nge Kallio esap ekieki usun mine ra föri.

Föför 18:8

Iwe, Krispus samolun ewe imwen felikis a lükü ewe Samol, i me chon an famili meinisin. Pwal chomong chon Korint mi rongorong än Paulus afalafal ra lükü Jesus o papatais.

Nöün Paulus Toropwe ngeni ekewe Souläng lon Rom 10:2

Üa tongeni pwärätä usur, pwe ra fokun tiliken le angang ngeni Kot, nge ar tiliken le angang esap longolong won ar silei usun mine a let.

Tuteronomi 5:13

Wonu rän kopwe akangang o föri om angang meinisin.