Lukas 12:7 - Chuukese Bible

⁷ Nge meten möküremi kewe mwo nge ra lea meinisin. Iei mine ousap niuokus, oua aüchea seni chomong nichok.

Lukas 12:7 Iomraidhean Croise

2. Samuel 14:11

Mürin, neminewe a apasa, “Üa tongoreek, en ai king, pwe kopwe apelü iten ewe Samol mi Lapalap om we Kot, pwe ewe chon kütta liwinin chan aramasan esap chüen niela nei mwän pwe esap mäla.” Iwe, Tafit a apasa, “Mwo manauen ewe Samol mi Lapalap, sap mwo nge emet meten möküren noum mwän epwe morotiu lepwül.”

Hiop 35:11

ewe mi asilelapaei lap seni ekewe man won fanüfan o atipachemaei lap seni ekewe machang?’

Kölfel 8:6

Ka awisa ngeni pwe epwe nemeni mettoch meinisin ka föri. Ka anomu fän nemenian föriom kewe meinisin,

Mateus 12:12

Iwe, eman aramas a kon aüchea seni eman sip! Iei mine allükün ach lamalam a mwütätä ngenikich ach sipwe alisi eman aramas lon ränin sapat.”

Mateus 6:26

Oupwe nenengeni ekewe mansüsü: Resap fofot, resap pwal kinikin, esap wor ar lenien iseis, nge Sememi lon läng a fen amongöniir. Ifa usun, ämi ousap kon aüchea seniir?

Lukas 21:18

Nge esap wor emet meten möküremi epwe turula.

Föför 27:34

Üa tüngor ngenikemi pwe oupwe mongö. A lomot ngenikemi, pwe oupwe tongeni manau. Pun esap fokun mwo nge emet meten möküremi epwe turula.”

1. Samuel 14:45

Mürin, ekewe aramas ra üreni Saul, “Ifa usun, Jonatan epwe mäla, ätewe mi awinna Israel ngeni eu win mi lapalap? Ese fokun tufich. Mwo manauen ewe Samol mi Lapalap, esap fokun morotiu emet meten möküran lepwül. Pun mine a föri ikenai, a föri ren än Kot alisi ngeni.” Iei usun ekewe aramas ra angasa Jonatan pwe esap mäla.