Lukas 12:59 - Chuukese Bible

⁵⁹ Üpwe ürenuk, kopwe nonom ikenan tori om kopwe wes le mönätiu unusen om we liwinimang.”

Lukas 12:59 Iomraidhean Croise

Mateus 18:34

Iwe, ewe king a fokun song, a tinala ewe chon angang lon imwen fötek pwe epwe riaföü, tori an epwe mönätiu unusen an we liwinimang.

Mateus 25:41

Mürin epwe üreni chokewe mi nom lepelimöngun, ‘Oupwe feil seniei, ämi chon anümamau, oupwe feila lon ewe ekkei esekun a fen amol fän iten Tefil me nöün chon läng kana!

Mateus 25:46

Iwe, chokei repwe feila ngeni ewe apwüng esemüch, nge ekewe chon pwüng repwe feila ngeni manau esemüch.”

Mateus 5:26

Enlet, üpwe ürenuk, pwe kosap fokun towu me ikenan tori om kopwe mönätiu unusen liwinin om we tipis.

Markus 12:42

Mürin eman fefin mi wöüngau a mä pwülüan a feito o uwalong ruoföü kükün kapa, aüchean ina epwe ükükün senis eu.

Lukas 16:26

Nge lükün ekei mettoch meinisin a wor eu pwang mi fokun alolol lefilach, pwe chokewe mi mochen feila reöm seni ikei resap tongeni, nge chokewe mi mochen feito rem seni ikenan resap pwal tongeni.’

2. Tesalonika 1:3

Ämi pwiim kana, äm aia fokun kilisou ngeni Kot fänäsengesimi fansoun meinisin. A pwüng ngenikem pwe aipwe föri ei, pokiten ämi lükülük a fokun fefeitä o ämi chen lefilemi a fokun lapalapala.