Lukas 12:5 - Chuukese Bible

⁵ Nge üpwe aiti ngenikemi iö oupwe niuokusiti: Oupwe niuokusiti Kot, i ewe eman a wor an pwüüng pwe epwe tongeni aturalong eman lon hell mürin an niela. Ewer, üpwe ürenikemi pwe iei i ewe oupwe niuokusiti.

Lukas 12:5 Iomraidhean Croise

Kölfel 9:17

Iwe, ekewe aramasangau repwe fokun feil ngeni mäla, pwal chon ekewe mwü meinisin mi pöütala Kot.

Än Salomon Fos 14:26

Än eman aramas meniniti ewe Samol mi Lapalap a atoto an apilükülüköch me nonomöchün me chon an famili.

Jeremaia 10:7

Ifa usun, iö esap meninituk, en ewe kingen ekewe mwü? A pwüng ngonuk pwe aramas repwe meninituk. Esap wor eman me lein ekewe mi tipachem meinisin me lon ekewe mwü ika me lein ar kewe king a wewe ngonuk.

Jeremaia 41:18

pokiten ekewe chon Papilon. Pun ra fokun niuokusitiir pokiten än Ismael niela Ketalia, ätewe ewe kingen Papilon a awisa pwe epwe kepinan ewe fanü.

Jeremaia 5:22

Ngang ewe Samol mi Lapalap, pwota ousap meninitiei? Pwota ousap chechech me fän mesei? Üa anomu pi pwe kiännin matau, eu epet mi nom fochofoch esap tongeni tö ren sät. Inamwo ika ekewe no ra watte, resap tongeni lu seni ewe kiä, inamwo ika a wor öütöüt, nge esap tongeni atai.

Mateus 10:28

Ousap niuokusiti ätekewe mi niela inis, nge resap tongeni niela ngün. Nge oupwe fokun niuokusiti Kot, ewe a tongeni niela inis me ngün lon hell.

Mateus 25:41

Mürin epwe üreni chokewe mi nom lepelimöngun, ‘Oupwe feil seniei, ämi chon anümamau, oupwe feila lon ewe ekkei esekun a fen amol fän iten Tefil me nöün chon läng kana!

Mateus 25:46

Iwe, chokei repwe feila ngeni ewe apwüng esemüch, nge ekewe chon pwüng repwe feila ngeni manau esemüch.”

Mateus 5:22

Nge ngang üpwe ürenikemi: Iö a songeiti pwiin epwe tolong lon kapwüng, o iö a kapasen turunufas ngeni pwiin epwe tolong lon kapwüng mi lap, nge iö a apasa ngeni pwiin, ‘En mi umwes,’ epwe fich ngeni an epwe tolong lon ewe ekkeiin hell.

Markus 13:23

Iei mine oupwe mamasa. Ngang üa pwäri ngenikemi ekei mettoch meinisin mwen ar repwe fis.

1. Tesalonika 4:6

Iwe, ren ei lapalap esap wor eman mwän epwe föri och mi mwäl ngeni chiechian souläng ika föri angangen atuputup ngeni. Äm aia fen ürenikemi ei me mwan o aia fokun fönöü ngenikemi, pwe ach Samol epwe apwüngü chokewe mi föri ei sokun föför mi ngau.

Ipru 10:31

A men fokun eniweniw ach turulong lepöün ewe Kot mi manau!

2. Petrus 2:4

Pun Kot esap achika ekewe chon läng mi tipis, nge a atururelong lon hell, ewe ia ra fötek ie lon rochokichin rochopwak o witiwiti ewe Ränin Kapwüng.

Pwärätä 14:7

A apasa ren mwelian mi leüömong, “Oupwe asamolu Kot o mwareiti an tekia! Pun a war ewe fansoun pwe epwe apwüngü chon fanüfan. Oupwe fel ngeni ewe mi föri läng me fanüfan, matau me ekewe lenien puächen koluk!”

Pwärätä 15:4

Iö esap niuokusituk o alinga itom, en äm Samol? Pun en chök ka pin. Chon ekewe mwü meinisin repwe feito o fel ngonuk, pun om kewe föför mi pwüng ra pwäpwäla ngeni aramas meinisin.”

Pwärätä 20:14

Mürin mäla me ewe lenien sotup ra koturulong lon ewe nomun ekkei. Ei nomun ekkei, iei ewe aruen mäla.