Lukas 12:48 - Chuukese Bible

⁴⁸ Nge ewe chon angang esap silei letipen nöün we masta, nge a föri sokun föför epwe küna apwüng ren, epwe angei wichiwich mi chokükün. Eman aramas mi angei chomong, repwe pwal mochen angei chomong me ren, nge are aramas ra lükü ngeni eman chomong, repwe pwal mochen angei met mi lap seni.

Lukas 12:48 Iomraidhean Croise

Lifitikos 5:17

Iwe, are eman a tipis ren an föri mine ewe Samol mi Lapalap a allük ngeni pwe esap föri, inamwo ika esap mefi, a chök tipis, nge an föför esepwüng a nonom won.

Numperis 15:27

Iwe, are eman aramas a tipisin chechengau, epwe eäni asor eman liefefinin kuuch eu ierin fän iten asoren tipis.

Mateus 13:12

Pun iön a wor an, Kot epwe apacha och ngeni an we pwe epwe somwola. Nge iön esap wor an, Kot epwe angei seni mwo nge ewe ekis a wor ren.

Mateus 23:14

[Feiengauemi, ämi Sensen Allük me Farisi! Ämi chon likatuputup! Oua angemwäli imwen ekewe fefin mi mä pwülüer, mürin oua einga ngeni aramas ämi iotek mi langatam. Iei mine oupwe küna apwüng mi fokun chou.]

Lukas 12:41

Iwe, Petrus a aisini, “Ai Samol, ei pworausen awewe ka apworausa fän item ika fän iten aramas meinisin?”

Lukas 12:49

“Ngang üa feito pwe üpwe soni ekkei won fanüfan o üa äneän pwe epwe fen nget.

Lukas 16:2

Iei mine a köri ewe chon souwa o üreni, ‘Met ei üa rongorong usumw? Kopwe pwäri ngeniei puken ekewe mettoch ka souwani, pun kosap chüen tongeni wiseni wisom we.’

Johannes 15:22

Are üsap feito o kapas ngeniir, esap wor ar tipis. Nge iei esap chüen wor ar künetipingen ren ar tipis.

Föför 17:30

Iwe, Kot a manlükala ekewe fansoun lupwen aramas resap silei i. Nge iei a allük ngeni aramas meinisin lon ekewe leni meinisin pwe repwe kul seni ar föför mi ngau.

Tuteronomi 25:2

Are a pwüngüla pwe ätewe mi tipis epwe wichiwich, ewe soukapwüng epwe üreni pwe epwe chapala pwe epwe wichiwich me fän mesan aükük ngeni ükükün an tipis.

1. Timoty 1:11

Ei sokun afalafal a pwä lon ewe Pworausen Manau mi lükülük ngeniei pwe üpwe arongafeili, iei ewe Pworausen Manau seni ewe Kot mi ling o pin.

1. Timoty 1:13

Inamwo ika me lom üa kapasingau usun i, üa ariaföüü o turunufaseei. Nge Kot a eäni tong ngeniei, pun esap mwo wor ai lükülük, iei mine üsap silei mine üa föri.

1. Timoty 6:20

Iwe, en Timoty, kopwe tümwünü met Kot a lükü ngonuk. Kosap aüseling ngeni kapas mi ngau me ekewe kapasen anini mi lomotongau, ekoch aramas ra aita ngeni “silelap”, nge a mwäl rer.

Titus 1:3

nge lon fansoun mi fich a pwärala ewe let lon an kapas. Kot, ach Chon Amanau, a lükü ngeniei ei kapas, pwe üpwe arongafeili ren an we allük ngeniei.

James 3:1

Ämi pwii kana, esap chomong me leimi repwe wiseni ewe wisen sense, pun oua silei pwe kich mi wiseni wisen sense sipwe küna kapwüng mi fokun chou lap seni ekewe ekoch.