Lukas 12:4 - Chuukese Bible

⁴ “Chiechiei kana, üpwe ürenikemi, ousap niuokusiti chokewe mi niela inis, nge mürin resap chüen tongeni föri och.

Lukas 12:4 Iomraidhean Croise

Än Salomon Fos 29:25

Om niuokusiti aramas, iei eu sär fän itom, nge are ka apilükülükü ewe Samol mi Lapalap, kosap feiengau.

Än Salomon Köl 5:1

Kofoti, en mi wor tongom me rei, üa feito ren tanipii we. Üa ionifengeni ai säfei mi aüchea itan mör me ai nofitin mongö, üa neni ai fasen chunen me chönün, üa pwal ünümi ünümei wain me ünümei milik. Oupwe mongö o ün, ämi chienei. Ämi chienei mi achengicheng, oupwe fokun ün.

Än Salomon Köl 5:16

An kapas a fokun pwetete. Ellet, a fokun äteöch. Iei usun lapalapen ätewe mi wor tongan me rei, ämi föpwülün Jerusalem.

Aisea 41:8

Nge en Israel nei chon angang, en mwirimwirin Apraham, chiechiei we üa filuketä,

Jeremaia 1:17

Nge en Jeremaia kopwe amolokotä. Kopwe feila o üreniir meinisin mine üa akünö ngonuk. Kosap rükö rer, pwe üsap arüköök me fän meser.

Jeremaia 1:8

Kosap niuokusitiir, pun ngang üpwe etuk o tümwünuk. Ngang ewe Samol mi Lapalap üa kapas.”

Jeremaia 41:18

pokiten ekewe chon Papilon. Pun ra fokun niuokusitiir pokiten än Ismael niela Ketalia, ätewe ewe kingen Papilon a awisa pwe epwe kepinan ewe fanü.

Isikiel 2:6

Nge en nöün aramas, kosap niueitiir, kosap pwal niuokusiti ar kapas, kosap niuokus, inamwo ika om nonom lefiler a usun chök om nom lefilen iräfölüföl, ika om nom lein chöükö. Kosap fokun niuokusiti ar kapas ika niueitiir, inamwo ika ir eu täppin aramas mi lükümach o ü ngeniei.

Mateus 10:28

Ousap niuokusiti ätekewe mi niela inis, nge resap tongeni niela ngün. Nge oupwe fokun niuokusiti Kot, ewe a tongeni niela inis me ngün lon hell.

Johannes 15:13

Esap wor eman a eäni chen mi lapalap seni ei chen, are eman a pölükü manauan fän iten chiechian kana.

Föför 20:24

Nge manauei esap aüchea ngeniei. Üa chök mochen awesala ai kitir o awesöchüela ewe angang ach Samol Jesus a ngeniei pwe üpwe föri. Iei ewe angang ai üpwe pwärätä ewe Pworausen Manau usun ewe ümöümöchün Kot.

Föför 4:13

Iwe, chon ewe mwichen soupwüng ra mairü lupwen ra küna än Petrus me Johannes pworacho, ra pwal silei pwe ir aramas resap fiti sukul. Iwe, ra mefi pwe ir fen chiechien Jesus.

Filipi 1:28

Ousap niuokusiti ekewe aramas mi ü ngenikemi. Oupwe tipepwora fansoun meinisin. Ei epwe alletätä ngeniir pwe ir ra lus, nge ämi oua win, pokiten Kot a fang ngenikemi ämi win.

James 2:23

Iwe, mine a mak lon ekewe Toropwe mi Pin a pwönüetä, “Apraham a lükü Kot, nge pokiten an lükü a küna pwüng me ren Kot”. Iei mine Apraham a iteni “Chiechien Kot”.

1. Petrus 3:14

Nge are oupwe fen küna riaföü pokiten ämi föri mine a pwüng, oupwe feiöch. Ousap niuokusiti aramas, ousap öürek.

Pwärätä 2:10

Kosap niuokusiti och riaföü epwe toruk. Nengeni, ewe Tefil epwe sotunikemi ren an epwe aturalong lon imwen fötek ekoch me leimi, nge oupwe küna riaföü lon ükükün engol rän. Kopwe likitü le lükü, inamwo ika kopwe tolong lon mäla, iwe, üpwe ngonuk ewe mwärin manau.