Lukas 12:36 - Chuukese Bible

³⁶ pwe oupwe usun chök ekewe chon angang mi witiwiti nöür we masta an epwe liwinto seni eu fetalapen apwüpwülü. Lupwen epwe war o fichifich, repwe müttir suki ngeni asam.

Lukas 12:36 Iomraidhean Croise

Keneses 49:18

Ai Samol mi Lapalap, üa asüküsükü om kopwe amanauaei.

Aisea 64:4

Seni me lomlom esap wor eman a rongorong ika küna eman Kot usun en mi föri sokun föför ngeni ir mi anomu ar apilükülük womw.

Lukas 12:35

“Oupwe anükü üfemi o molotä ngeni mine epwe fis, oupwe atina nöümi lamp pwe epwe tin,

Lukas 12:37

A ifa me feiöchün ekewe chon angang nöür we masta a küneer pwe ra nennela o molotä lupwen a liwinsefäl. Enlet, üpwe ürenikemi, pwe ewe masta epwe üföüfolong üfen chon angang, epwe amoteer ngeni chepel o ngeniir aner mongö.

Pwärätä 19:7

Ousipwe mweireir o fokun pwapwa, ousipwe mwareiti an tekia! Pun a war fansoun apwüpwülüen ewe Lam, nge pwülüan we, ewe fin apwüpwülü söfö, a püsin amol ngeni ewe rän.

Pwärätä 3:20

Nengeni, üa ü lükün asam o fichifich. Are eman epwe rongorong mweliei o suki ewe asam, üpwe tolong ren o mongö ren, nge i epwe mongö rei.