Lukas 12:31 - Chuukese Bible

³¹ Nge oupwe chök ekieki lon letipemi ewe Mwün Kot, iwe, i epwe ngenikemi ekei mettoch meinisin.

Lukas 12:31 Iomraidhean Croise

Kölfel 34:9

Ämi nöün ewe Samol mi Lapalap kewe chon pin, oupwe meniniti i, pun chokewe mi meniniti i resap osupwang.

Kölfel 37:19

Lon fansoun feiengau resap küna säw, nge lon ränin lengita epwe somwola ener mongö.

Kölfel 37:25

Seni me lom, lupwen ngang üa eman alüal, tori iei üa chinlap, üsap küna mwo eman chon pwüng epwe sachawun, ika nöün kana repwe tütüngorfetal ener mongö.

Kölfel 37:3

Kopwe apilükülükü ewe Samol mi Lapalap o föri mine a mürina, pwe kopwe nonom lon ewe fanü fän kinamwe.

Kölfel 84:11

Pun Kot ewe Samol mi Lapalap i ai saram, a apetiei seni ei feiengau. A fangela ngenikich ümöümöch me iteüöch. Ewe Samol mi Lapalap esap amwöchü och mi mürina seni chokewe mi föri mine a pwüng.

Aisea 33:16

Ei sokun aramas epwe nonom won ekewe lenien tekia, epwe nonom fän kinamwe usun eman mi nom lon imwen maun mi pöchökül. Epwe fokun wor anan mongö me ünüman koluk.

Mateus 6:33

Nge oupwe chök ekieki lon letipemi ewe Mwün Kot me pwüngün, iwe, i epwe ngenikemi ekei mettoch meinisin.

Lukas 10:42

nge eu chök a lomot. Maria a filätä ewe mettoch mi aüchea, esap wor eman epwe angei seni.”

Lukas 12:30

Pun chon ekewe mwü won fanüfan ra chök öüreki ekei mettoch meinisin. Sememi we a silei pwe oua osupwangen ekei mettoch.

Johannes 6:27

Ousap angang fän iten mongö mi tongeni ngauala, nge oupwe angang fän iten mongö mi nonomola tori manau esemüch. Iei ewe mongö Nöün Aramas epwe ngenikemi, pun Kot ewe Sam a fen anomu won asisilen an tipeeu ngeni.”

Nöün Paulus Toropwe ngeni ekewe Souläng lon Rom 8:31

Iwe, met sipwe tongeni apasa ren ekei mettoch? Are Kot a penikich, iö epwe tongeni pölüenikich?

1. Timoty 4:8

Pun ach achocho le asipa inisich a atoto ekis chök feiöch, nge ach achocho le asipakich lon ach souläng a atoto rech feiöch meinisin, pun a pwon ngenikich manau lon ei fansoun ikenai pwal lon ekewe fansoun repwe feito.

Ipru 13:5

Oupwe afälikemi pwe ousap manaueni eu manauen mochenian moni, nge oupwe menemenöch ren mine oua eäni. Pun Kot a apasa, “Ngang üsap fokun likituk, üsap pwal tümwününgau ngonuk.”